Koronavirus xəstələri ictimai yerlərdə aşkar edilərək saxlanılıblar

19.12.2021

Dekabrın 18-də və 19-da polis əməkdaşları tərəfindən respublika ərazisində 9 nəfər aktiv koronavirus xəstəsi ictimai yerlərdə aşkar edilərək saxlanılıblar. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadığı evlərə qaytarıb və bu barədə müvafiq səhiyyə qurumları məlumatlandırılıb.

Qanunsuz saxlanılan silah-sursatla bağlı əməliyyat tədbirləri davam etdirilir

19.12.2021

Polis əməkdaşlarının əldə edilən məlumatlar əsasında keçiridikləri əməliyyat tədbirləri nəticəsində dekabrın 18-də və 19-da respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 21 ədəd ov tüfəngi götürülüb.  Aparılan profilaktiki tədbirlər nəticəsində qanunsuz saxlanılan 8 silah könüllü olaraq polisə təhvil verilib.Faktlar üzrə polis şöbələrində müvafiq araşdırmalar aparılır.

Koronavirus xəstələri ictimai yerlərdə aşkar edilərək saxlanılıblar

19.12.2021

Dekabrın 18-də və 19-da polis əməkdaşları tərəfindən respublika ərazisində 9 nəfər aktiv koronavirus xəstəsi ictimai yerlərdə aşkar edilərək saxlanılıblar. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadığı evlərə qaytarıb və bu barədə müvafiq səhiyyə qurumları məlumatlandırılıb.

Gün ərzində törədilmiş 45 cinayətin üstü “isti izlər”lə açılmışdır

18.12.2021

- Respublikanın daxili işlər orqanları tərəfindən gün ərzində törədilmiş 45 cinayətin üstü “isti izlər”lə açılmışdır.  - Əvvəlki dövrlərdən bağlı qalmış 6 cinayətin açılması təmin olunmuşdur.        - Axtarışda olduğuna görə ümumilikdə 49 nəfər, o cümlədən borclu şəxs qismində axtarışda olan 38 nəfər saxlanılaraq aidiyyəti üzrə təhvil verilmişdir.    - Respublikanın avtomobil yollarında 2 yol-nəqliyyat hadisəsi baş vermiş, nəticədə 2 nəfər ölmüşdür.   - Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 16, qanunsuz saxlanılan silah-sursatla bağlı 16 fakt müəyyən edilmişdir.    - Cinayət törətməkdə şübhəli bilinən 41 nəfər saxlanılmışdır.

Şamaxı elektrik şəbəkəsinə məxsus 1350 metr elektrik naqilini oğurlamaqda şübhəli bilinən V.Quliyev saxlanılmışdır

18.12.2021

Şamaxı RPŞ əməkdaşlarının keçirdikləri əməliyyat-axtarış tədbiri nəticəsində Şamaxı elektrik şəbəkəsinə məxsus 8815 manat dəyərində 1350 metr elektrik naqilini oğurlamaqda şübhəli bilinən şəhər sakini, əvvəllər məhkum olunmuş V.Quliyev saxlanılmışdır. 

Sumqayıt şəhər sakini F.Əlizadənin idarə etdiyi avtomobildən heroin, metamfetamin və marixuana götürülmüşdür

18.12.2021

Binəqədi RPİ 6-cı PB əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Sumqayıt şəhər sakini F.Əlizadənin idarə etdiyi “Hyundai” markalı avtomobilə baxış zamanı oradan heroin, metamfetamin və marixuana aşkar edilərək götürülmüşdür. 

Bərdə rayonunun Nazırlı kəndi ərazisində “Hyundai” markalı avtomobil su kanalına aşmışdır

18.12.2021

Dekabrın 18-də saat 23 radələrində Bərdə rayonunun Nazırlı kəndi ərazisində kənd sakini Cövdət Orucov idarə etdiyi “Hyundai” markalı avtomobili yolun kənarındakı su kanalına aşırmış və nəticədə hadisə yerində ölmüşdür.         Bərdə RPŞ-də araşdırma aparılır. 

Sumqayıt şəhərinin H.Z.Tağıyev qəsəbəsi ərazisində “Mercedes” markalı avtomobillə qəsəbə sakini R.Məmmədova vurulmuşdur

18.12.2021

Dekabrın 18-də saat 8 radələrində Sumqayıt şəhərinin H.Z.Tağıyev qəsəbəsi ərazisində şəhər sakini Q.Həsənov idarə etdiyi “Mercedes” markalı avtomobillə yolu keçən qəsəbə sakini Rəşidə Məmmədovanı vurmuş və nəticədə piyada hadisə yerində ölmüşdür.         Sumqayıt ŞPİ-də araşdırma aparılır. 

Sabunçu rayonunun Məhəmmədi qəsəbəsi ərazisindən “VAZ-2107” markalı avtomobili qaçırmaqda şübhəli bilinən İ.Mirzəyev avtomobillə birgə saxlanılmışdır

18.12.2021

Sabunçu RPİ-nin 15-ci Polis Bölməsinə dekabrın 18-nə keçən gecə Məhəmmədi qəsəbəsi ərazisindən qəsəbə sakini N.Mirzəyevə məxsus “VAZ-2107” markalı avtomobilin qaçırılması barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən N.Mirzəyevin oğlu, əvvəllər məhkum olunmuş İ.Mirzəyev avtomobillə birgə saxlanılmışdır.           Sabunçu RPİ-də  araşdırma aparılır. 

Xırdalan şəhərində münaqişə zəminində oğlu T.Əhmədova bıçaqla xəsarət yetirmiş və öz arvadını öldürmüş A.Əhmədov tutularaq istintaqa təhvil verilmişdir

18.12.2021

Abşeron Rayon Polis İdarəsinə dekabrın 18-də saat 15 radələrində Xırdalan şəhərində yaşayan Taleh Əhmədovun evinə gəlmiş atası Ağaməhəmmədin münaqişə zəminində bıçaqla ona xəsarət yetirməsi, öz arvadı Bəstini  isə öldürməsi barədə məlumat daxil olmuşdur.  Dərhal rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilmişdir. T.Əhmədov xəstəxanaya yerləşdirilmişdir.Polis əməkdaşlarının keçirdikləri əməliyyat-axtarış tədbirləri nəticəsində A.Əhmədov tutularaq istintaqa təhvil verilmişdir. Faktla bağlı cinayət işi başlanılıb.