Biləsuvar rayon sakini E.Yarıyev qanunsuz ov etdiyinə görə saxlanılıb

13.11.2022

Nəqliyyatda Baş Polis İdarəsinin əməkdaşları tərəfindən Arazbarı kəndi ərazisində Biləsuvar rayon sakini E.Yarıyev qanunsuz ov etdiyinə görə saxlanılıb.Ondan ov tüfəngi və 4 ədəd patron götürülüb.

Gün ərzində ölkə ərazisində qeydə alınan 46 cinayətin açılması təmin olunub

12.11.2022

Noyabrın 12-də ölkə ərazisində qeydə alınan 46, əvvəlki dövrlərdən bağlı qalan 7 cinayətin açılması daxili işlər orqanlarının əməkdaşları tərəfindən təmin olunub.

Nəqliyyat vasitəsini qaçırmaqda şübhəli bilinən  Laçın rayon sakini N.Azayev müəyyən edilərək saxlanılıb

12.11.2022

Yasamal RPİ 29-cu Polis Şöbəsinə noyabrın 11-də rayon ərazisindən “Chevrolet” markalı avtomobilin qaçırılması barədə məlumat daxil olub.Polis  əməkdaşlarının keçirdikləri əməliyyat-axtarış tədbirləri nəticəsində həmin avtomobil Ə.Əhmədov küçəsində tapılıb. Nəqliyyat vasitəsini qaçırmaqda şübhəli bilinən  Laçın rayon sakini N.Azayev müəyyən edilərək saxlanılıb.Araşdırma aparılır.

Bank hesabından 140 manat oğurlamaqda şübhəli bilinən Culfa rayon sakini K.Hüseynli saxlanılıb

12.11.2022

Nəsimi RPİ 20-ci Polis Bölməsi əməkdaşlarının keçirdikləri əməliyyat tədbirləri nəticəsində noyabrın 4-də Abşeron rayon sakini O.Tağıyevin bank hesabından 140 manat oğurlamaqda şübhəli bilinən Culfa rayon sakini, əvvəllər məhkum olunmuş K.Hüseynli saxlanılıb.Araşdırma aparılır.

Yol-nəqliyyat hadisəsini törədərək hadisə yerindən yayınmaqda şübhəli bilinən sürücü V.Qurbanov müəyyən edilərək saxlanılıb

12.11.2022

Nəsimi RPİ 22-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində noyabrın 3-də saat 19 radələrində Bülbül prospektində Bakı şəhər sakini M.Abramovanın xəsarət alması ilə nəticələnən yol-nəqliyyat hadisəsini törədərək hadisə yerindən yayınmaqda şübhəli bilinən “Toyota” markalı avtomobilin sürücüsü V.Qurbanov müəyyən edilərək saxlanılıb.Araşdırma aparılır.

Oğurluqda şübhəli bilinən Bakı şəhər sakini F.Babayeva saxlanılıb

12.11.2022

Nizami RPİ 24-cü Polis Şöbəsi əməkdaşlarının keçirdikləri əməliyyat-axtarış tədbirləri nəticəsində noyabrın 8-də rayon ərazisindəki evlərin birindən noutbuk, mobil telefon və geyim əşyaları oğurlamaqda şübhəli bilinən Bakı şəhər sakini, əvvəllər məhkum olunmuş F.Babayeva saxlanılıb.Araşdırma aparılır.

Oğurluqda şübhəli bilinən Sabirabad rayon sakini B.İsmayılov saxlanılıb

12.11.2022

Yasamal RPİ 28-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində müxtəlif vaxtlarda Mətbuat prospektindəki marketlərin birindən 150 manat pul və 3714 manat dəyərində tütün məmulatı oğurlamaqda şübhəli bilinən Sabirabad rayon sakini, əvvəllər məhkum olunmuş B.İsmayılov saxlanılıb.Araşdırma aparılır.

Beyləqan şəhər sakini M.Həsənovdan qanunsuz saxladığı ov tüfəngi götürülüb

12.11.2022

Beyləqan Rayon Polis Şöbəsi əməkdaşlarının keçirdikləri əməliyyat tədbiri nəticəsində şəhər sakini M.Həsənovdan qanunsuz saxladığı “İJ-16” markalı ov tüfəngi götürülüb.

Oğurluqda şübhəli bilinən Bakı şəhər sakini A.Orucov saxlanılıb

12.11.2022

Yasamal RPİ 29-cu Polis Şöbəsi əməkdaşlarının keçirdikləri əməliyyat-axtarış tədbirləri nəticəsində müxtəlif vaxtlarda rayon ərazisində 2 nəfərə məxsus velosiped və bir həyətyanı sahədən su mühərriki oğurlamaqda şübhəli bilinən Bakı şəhər sakini, əvvəllər məhkum olunmuş A.Orucov saxlanılıb.Araşdırma aparılır.

Oğurluqda şübhəli bilinən Hövsan qəsəbə sakini Q.Ağayev saxlanılıb

12.11.2022

Suraxanı RPİ 30-cu Polis Şöbəsi əməkdaşlarının keçirdikləri əməliyyat-axtarış tədbirləri nəticəsində noyabrın 11-də rayon ərazisindəki köşklərin birindən 50 manat pul və 1300 manat dəyərində tütün məmulatı oğurlamaqda şübhəli bilinən Hövsan qəsəbə sakini Q.Ağayev saxlanılıb.Araşdırma aparılır.