Şağan qəsəbə sakini A.Baxşəliyevin yaşadığı evə baxış zamanı oradan 300 qramdan artıq heroin, 11 qramdan artıq metamfetamin və elektron tərəzi götürülüb

20.11.2022

Suraxanı Rayon Polis İdarəsi əməkdaşlarının keçirdikləri əməliyyat tədbiri nəticəsində Şağan qəsəbə sakini A.Baxşəliyev saxlanılıb. Şəxsi axtarış zamanı ondan  2 qramdan artıq heroin aşkar edilib.Davam etdirilən tədbirlərlə onun yaşadığı evə baxış zamanı oradan 300 qramdan artıq heroin, 11 qramdan artıq metamfetamin və elektron tərəzi götürülüb.

Şirvan şəhər sakini M.Məmmədlinin yaşadığı evə baxış zamanı oradan 99 qramdan artıq heroin, 115 qrama yaxın metamfetamin, 750 qram marixuana və elektron tərəzi götürülüb

20.11.2022

Şirvan Şəhər Polis Şöbəsi əməkdaşlarının keçirdikləri əməliyyat tədbiri nəticəsində şəhər sakini M.Məmmədli saxlanılıb. Şəxsi axtarış zamanı ondan  heroin aşkar edilib.Davam etdirilən tədbirlərlə onun yaşadığı evə baxış zamanı oradan 99 qramdan artıq heroin, 115 qrama yaxın metamfetamin, 750 qram marixuana və elektron tərəzi götürülüb.

Qax rayonunun Dəymədağlı kənd sakini E.Məmmədovun yaşadığı evə baxış zamanı oradan 1,1 kiloqram marixuana götürülüb

20.11.2022

Qax Rayon Polis Şöbəsi əməkdaşlarının keçirdikləri əməliyyat tədbiri nəticəsində Dəymədağlı kənd sakini, əvvəllər məhkum olunmuş E.Məmmədov saxlanılıb. Şəxsi axtarış zamanı ondan  4 qrama yaxın marixuana aşkar edilib.Davam etdirilən tədbirlərlə onun yaşadığı evə baxış zamanı oradan 1,1 kiloqram marixuana götürülüb.

Laçın rayonunun Kaha kənd sakini A.Mirzəyevdən qanunsuz saxladığı ov tüfəngi və 5 ədəd patron götürülüb

20.11.2022

Laçın Rayon Polis Şöbəsi əməkdaşlarının keçirdikləri əməliyyat-axtarış tədbiri nəticəsində Kaha kənd sakini A.Mirzəyevdən qanunsuz saxladığı “Tula” markalı ov tüfəngi və 5 ədəd patron aşkar edilərək götürülüb.

Bərdə rayonu ərazisində idarə etdiyi avtomobillə saxlanılan Ağcabədi rayon sakini Z.Cəfərovun sürücülük hüququnun olmaması və narkotik vasitənin təsiri altında olması müəyyən edilib

20.11.2022

Baş Dövlət Yol Polisi İdarəsinin əməkdaşları tərəfindən noyabrın 20-də saat 7 radələrində Bərdə rayonunun Qarağacı kəndi ərazisində üzərində dövlət qeydiyyat nişanı olmayan “VAZ-2106” markalı avtomobil saxlanılıb.Polis əməkdaşları tərəfindən sürücü, Ağcabədi rayon sakini Z.Cəfərovun sürücülük hüququnun olmaması və narkotik vasitənin təsiri altında olması müəyyən edilib. Onun barəsində İnzibati Xətalar Məcəlləsinin 334-cü və 342-ci maddələri ilə, sərnişini olan avtomobilin sahibi K.Musayev barəsində isə İnzibati Xətalar Məcəlləsinin 335-ci maddəsi ilə (sürücülük hüququ olmayan şəxsə nəqliyyat vasitəsini verdiyi üçün) protokollar tərtib olunub. 

Gün ərzində ölkə ərazisində qeydə alınan 36 cinayətin açılması təmin olunub

19.11.2022

Noyabrın  19-da ölkə ərazisində qeydə alınan 36, əvvəlki dövrlərdən bağlı qalan 8 cinayətin açılması daxili işlər orqanlarının əməkdaşları tərəfindən təmin olunub.

Həyat yoldaşı N.Salmanovanı boğaraq qəsdən öldürməkdə şübhəli bilinən Kəlbəcər rayon sakini A.Salmanov tutularaq istintaqa təhvil verilib

19.11.2022

Yevlax Rayon Polis Şöbəsinə noyabrın 19-da Nuridə Salmanovanın öldürülməsi barədə məlumat daxil olub.Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib.Aparılmış araşdırmalarla Kəlbəcər rayon sakini A.Salmanovun münaqişə zəminində həyat yoldaşı N.Salmanovanı boğaraq qəsdən öldürməsinə əsaslı şübhələr müəyyən edilib.Polis əməkdaşlarının keçirdikləri əməliyyat-axtarış tədbirləri nəticəsində A.Salmanov şübhəli şəxs qismində tutularaq istintaqa təhvil verilib.Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. 

Bakı şəhər sakini Ə.Nəcəfova qarşı quldurluq etməkdə şübhəli bilinən paytaxt sakini S.Rzazadə müəyyən edilərək saxlanılıb

19.11.2022

Sabunçu RPİ-nin 15-ci Polis Bölməsinə noyabrın 18-də saat 23 radələrində Pirşağı qəsəbəsi ərazisində “Hyundai” markalı bir avtomobilin sürücüsünün Bakı şəhər sakini Ə.Nəcəfovu döyüb mobil telefonunu və qızıl bilərziyini quldurluq yolu ilə talaması barədə məlumat daxil olub.Polis əməkdaşlarının keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən paytaxt sakini S.Rzazadə müəyyən edilərək saxlanılıb. Sabunçu Rayon Polis İdarəsində araşdırma aparılır.

Sabunçu rayonunun Ramana qəsəbəsi ərazisində yol-nəqliyyat hadisəsi

19.11.2022

Noyabrın 19-da saat 12 radələrində Sabunçu rayonunun Ramana qəsəbəsi ərazisində Şərur rayon sakini N.Ələkbərovun idarə etdiyi “Hyundai” markalı yük avtomobili ilə Kəlbəcər rayon sakini Murad Rüstəmovun idarə etdiyi “Kia” markalı avtomobil toqquşub. Nəticədə M.Rüstəmov xəstəxanaya aparılarkən yolda ölüb. Sabunçu Rayon Polis İdarəsində araşdırma aparılır.

İsmayıllı şəhəri ərazisində yol-nəqliyyat hadisəsi

19.11.2022

Noyabrın 19-da saat 18 radələrində İsmayıllı şəhəri ərazisində şəhər sakini A.Mirzəyev idarə etdiyi “Toyota” markalı avtomobillə yolu keçən həmyerlisi M.Əhmədovu vurub və nəticədə piyada hadisə yerində ölüb.İsmayıllı Rayon Polis Şöbəsində araşdırma aparılır.