Astara rayonunun Burzuband kənd sakini Ş.Eynullayevdən qanunsuz saxladığı ov tüfəngi götürülüb

22.11.2022

Astara Rayon Polis Şöbəsi əməkdaşlarının keçirdikləri əməliyyat tədbiri nəticəsində Burzuband kənd sakini Ş.Eynullayevdən qanunsuz saxladığı “İJ” markalı ov tüfəngi götürülüb.

Oğurluqda şübhəli bilinən Salyan rayon sakini R.Salmanov saxlanılıb

22.11.2022

Biləsuvar Rayon Polis Şöbəsi əməkdaşlarının keçirdikləri əməliyyat tədbiri nəticəsində cari il sentyabr ayının 6-dan noyabr ayının 21-dək olan müddətdə Amankənd kəndi ərazisində Bəydili kənd sakini S.Həmidova məxsus 10800 manat dəyərində 36 baş qoyun oğurlamaqda şübhəli bilinən Salyan rayon sakini R.Salmanov saxlanılıb.Araşdırma aparılır.

Quba şəhər sakini E.Kərimovdan qanunsuz saxladığı 3 ədəd ov tüfəngi götürülüb

22.11.2022

Quba Rayon Polis Şöbəsi əməkdaşlarının keçirdikləri əməliyyat tədbiri nəticəsində şəhər sakini E.Kərimovdan qanunsuz saxladığı 3 ədəd “TOZ” markalı ov tüfəngi götürülüb.

İmişli rayon sakini F.Novruzovdan qanunsuz saxladığı ov tüfəngi götürülüb

22.11.2022

Saatlı Rayon Polis Şöbəsi əməkdaşlarının keçirdikləri əməliyyat tədbiri nəticəsində İmişli rayon sakini F.Novruzovdan qanunsuz saxladığı “İJ-12” markalı ov tüfəngi götürülüb.

İmişli şəhər sakini E.Nəsirovun evinə baxış zamanı oradan 6 kiloqrama yaxın marixuana və 910 qram heroin aşkar edilərək götürülüb

22.11.2022

İmişli Rayon Polis Şöbəsi əməkdaşlarının keçirdikləri əməliyyat tədbiri nəticəsində şəhər sakini, əvvəllər məhkum olunmuş E.Nəsirov saxlanılıb. Şəxsi axtarış zamanı ondan heroin aşkar edilib.Davam etdirilən tədbirlərlə onun evinə baxış zamanı oradan 6 kiloqrama yaxın marixuana və 910 qram heroin aşkar edilərək götürülüb.

Tərtər rayonunun Kovdadıq kənd sakini İ.Quluzadənin yaşadığı evə baxış zamanı oradan qanunsuz saxladığı ov tüfəngi aşkar edilərək götürülüb

22.11.2022

Tərtər Rayon Polis Şöbəsi əməkdaşlarının keçirdikləri əməliyyat tədbiri nəticəsində Kovdadıq kənd sakini İ.Quluzadənin yaşadığı evə baxış zamanı oradan qanunsuz saxladığı ov tüfəngi aşkar edilərək götürülüb.

İşğaldan azad edilmiş Ağdam rayonunun Sarıcalı kəndi ərazisində aparılan qazıntılar zamanı oradan insan sümükləri aşkar olunub

22.11.2022

Noyabrın 22-də daxil olmuş məlumat əsasında polis, prokurorluq və təhlükəsizlik xidməti əməkdaşlarının iştirakı ilə işğaldan azad edilmiş Ağdam rayonunun Sarıcalı kəndi ərazisində aparılan qazıntılar zamanı oradan insan sümükləri aşkar olunub. Onların 1992-ci ildə öldürülərək basdırılması ehtimal olunur.Sümüklərin kimə aid olması müəyyənləşdirilməsi üçün məhkəmə-tibbi ekspertizasına təhvil verilib.

Qanunun tələblərinin icrası diqqət mərkəzindədir

22.11.2022

Daxili İşlər Nazirliyi tərəfindən “Tütün məmulatlarından istifadənin məhdudlaşdırılması haqqında” Qanunun tələblərindən irəli gələn vəzifələrin icrası diqqət mərkəzində saxlanılır. DİN-in Baş İctimai Təhlükəsizlik İdarəsi və respublikanın şəhər, rayon polis orqanları tərəfindən aidiyyəti təşkilatlarla birgə qanunla tütün çəkilməsinə icazə verilməyən yerlərdə monitorinqlər keçirilir, fiziki və hüquqi şəxslər, fərdi sahibkarlar, eləcə də əhali arasında geniş izahat işləri aparılır.Ümumilikdə, 2022-ci ilin ötən dövründə respublikanın şəhər, rayon polis orqanları tərəfindən keçirilmiş tədbirlər nəticəsində “Tütün məmulatlarından istifadənin məhdudlaşdırılması haqqında” Qanunla qadağan edilmiş yerlərdə tütün çəkdiklərinə, tütün məmulatları tullantılarını ətraf mühitə atdıqlarına görə 10.835, tütün məmulatlarını yektinlik yaşına çatmayanlara satdıqlarına görə 501 şəxs barəsində İnzibati Xətalar Məcəlləsinin 212.1-ci, 212.3-cü, 212.4-cü və 455.2-ci maddələrinə əsasən inzibati tənbeh tədbiri tətbiq olunub. Tətbiq edilmiş cərimələr 383.300 manat təşkil edib.Bu istiqamətdə tədbirlər davam etdirilir.

Səbail rayonunda mağazadan ümumi dəyəri 24 min manat olan 9 ədəd mobil telefon oğurlayan şəxs saxlanılıb

22.11.2022

Səbail rayonu ərazisində mobil telefon və məişət əşyalarının satıldığı mağazaların birindən oğurluq edilib. Naməlum şəxs obyektin pəncərəsini qıraraq orada olan 9 ədəd müxtəlif markalı mobil telefonu oğurlayıb. Oğurlanan mobil telefonların dəyəri 24 min manat olub.Səbail Rayon Polis İdarəsinin və 9-cu Polis Bölməsinin əməkdaşları tərəfindən həyata keçirilən əməliyyat-axtarış tədbiri nəticəsində qeyd edilən hadisəni törətməkdə şübhəli bilinən əvvəllər məhkum olunmuş Kamil Fərəcov saxlanılıb. Faktla bağlı 9-cu Polis Bölməsində toplanan materiallar Səbail RPİ-nin İstintaq Şöbəsinə göndərilib. Bu şəxsin digər cinayətlərdə əlinin olub-olmadığının müəyyən edilməsi istiqamətində araşdırmalar davam etdirilir.

Gün ərzində ölkə ərazisində qeydə alınan 58 cinayətin açılması təmin olunub

21.11.2022

Noyabrın  21-də ölkə ərazisində qeydə alınan 58, əvvəlki dövrlərdən bağlı qalan 11 cinayətin açılması daxili işlər orqanlarının əməkdaşları tərəfindən təmin olunub.