İmişli rayonunun Oruclu kənd sakini S.Abdulovun idarə etdiyi avtomobildən qanunsuz saxladığı ov tüfəngi götürülüb

30.11.2022

İmişli Rayon Polis Şöbəsi əməkdaşlarının keçirdikləri əməliyyat tədbiri nəticəsində Oruclu kənd sakini S.Abdulovun idarə etdiyi “VAZ-2121” markalı avtomobildən qanunsuz saxladığı “İJ-58” markalı ov tüfəngi götürülüb.

Yevlax şəhər sakini N.Şükürovdan 670 qram marixuana aşkar olunaraq götürülüb

30.11.2022

Yevlax Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş N.Şükürovdan 670 qram marixuana aşkar olunaraq götürülüb. 

Quba rayonunun İspik kəndi ərazisindən 4 ədəd nömrəsi silinmiş ov tüfəngi, 82 ədəd müxtəlif çaplı patron və tüfəngə aid lülə, qundaq və lülə birləşdirici tapılıb

30.11.2022

Quba Rayon Polis Şöbəsinin əməkdaşları tərəfindən İspik kəndi ərazisindən 4 ədəd nömrəsi silinmiş ov tüfəngi, 82 ədəd müxtəlif çaplı patron və tüfəngə aid lülə, qundaq və lülə birləşdirici tapılıb. Araşdırma aparılır. 

Masallı şəhəri ərazisində yol-nəqliyyat hadisəsi

30.11.2022

Noyabrın 30-da saat 21 radələrində Masallı şəhəri ərazisində şəhər sakini İ.Paşayev idarə etdiyi “BMW” markalı avtomobillə yolu keçən həmyerlisi Fatma Əliyevanı vurub. Nəticədə xəstəxanaya yerləşdirilən piyada orada ölüb.Masallı Rayon Polis Şöbəsində araşdıma aparılır.

Ağdaş rayonunun Qəsil kəndi ərazisində yol-nəqliyyat hadisəsi

30.11.2022

Noyabrın 30-da saat 13 radələrində Ağdaş rayonunun Qəsil kəndi ərazisində rayon sakinləri C.Cabbarovun idarə etdiyi “Mercedes” və R.Həmidovun idarə etdiyi “VAZ-2107” markalı avtomobillər toqquşub. Nəticədə R.Həmidov və 3 sərnişini xəstəxanaya yerləşdirilib, həyat yoldaşı Bahar Həmidova orada ölüb. Baş İstintaq və Təhqiqat İdarəsi tərəfindən araşdırma aparılır.

Paytaxt və bölgələrdə 25-ə yaxın mağazada quraşdırılan ödəmə terminallarını talayan şəxs saxlanılıb

30.11.2022

Polis əməkdaşlarının həyata keçirdikləri növbəti əməliyyat-axtarış tədbiri nəticəsində son bir neçə ay ərzində 25-ə yaxın mağazada quraşdırılan ödəmə terminallarını sındırmaqla orada olan maddi vəsaitləri oğurlayan əvvəllər məhkum olunmuş Qəzənfər Babayev tutularaq istintaqa təqdim edilib.Aparılan araşdırmalar zamanı onun paytaxtın Binəqədi, Pirallahı rayonları ilə yanaşı, Abşeron rayonu, Sumqayıt şəhəri, həmçinin Tovuz və İsmayıllı rayonlarında müxtəlif şəxslərə məxsus mağazalarda quraşdırılan ödəmə terminallarından oğurluq etdiyi məlum olub. Qəzənfər Babayevin təkcə Abşeron rayonunun Saray, Masazır, Qobu, Digah və Mehdiabad qəsəbələrində yerləşən 12 mağazada quraşdırılan terminallardan oğurluq etdiyi müəyyən edilib. Qəzənfər Babayev barəsində məhkəmənin qərarı ilə həbs qətimkan tədbiri seçilib, istintaq-əməliyyat tədbirləri davam etdirilir.

Gün ərzində ölkə ərazisində qeydə alınan 60 cinayətin açılması təmin olunub

29.11.2022

Noyabrın  29-da ölkə ərazisində qeydə alınan 60, əvvəlki dövrlərdən bağlı qalan 6 cinayətin açılması daxili işlər orqanlarının əməkdaşları tərəfindən təmin olunub.

Sabunçu rayonunun Kürdəxanı qəsəbəsi ərazisində “Mercedes” markalı avtomobillə Cəlilabad rayon sakini A.Mirzəyeva vurulub

29.11.2022

Noyabrın 29-da saat 6 radələrində Sabunçu rayonunun Kürdəxanı qəsəbəsi ərazisində Bakı şəhər sakini B.Əliyev idarə etdiyi “Mercedes” markalı avtomobillə yolu keçən Cəlilabad rayon sakini Afaq Mirzəyevanı vurub və nəticədə piyada hadisə yerində ölüb.Sabunçu Rayon Polis İdarəsində araşdırma aparılır.

Xaçmaz dəmir yolu stansiyasının ərazisindən drossel transformatorunu oğurlamaqda şübhəli bilinən N.Üzdənov saxlanılıb

29.11.2022

Nəqliyyatda Baş Polis İdarəsi əməkdaşlarının keçirdikləri əməliyyat tədbiri nəticəsində noyabrın 28-də Xaçmaz dəmir yolu stansiyasının ərazisindən 1 ədəd drossel transformatoru oğurlamaqda şübhəli bilinən Xaçmaz rayon sakini, əvvəllər məhkum olunmuş N.Üzdənov saxlanılıb.Araşdırma aparılır.

Oğurluğa və narkotik vasitələrin qanunsuz dövriyyəsinə görə axtarışda olan A.Həşimova saxlanılıb

29.11.2022

Səbail RPİ 41-ci Polis Bölməsi və Ağsu Rayon Polis Şöbəsi əməkdaşlarının birgə keçirdikləri əməliyyat-axtarış tədbirləri nəticəsində Cinayət Məcəlləsinin 177-ci (Oğurluq) və 234-cü (Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) maddələri ilə axtarışda olan A.Həşimova saxlanılıb.Araşdırmalarla onun paytaxtın Yasamal rayonu ərazisindəki mağazaların birində bir qadının çantasından 250 manat pulunu, sənədlərini və bank kartlarını oğurlaması da müəyyən olunub.