Lənkəran şəhər sakini Günel Məmmədova DİN rəhbərliyinə ünvanladığı təşəkkür məktubunda müraciətinə Lənkəran ŞRPŞ-nin əməkdaşları tərəfindən operativ reaksiya verilməsinə və üzləşdiyi çətinliyin dərhal aradan qaldırılmasına görə minnətdarlığını bildirir.

Cəlilabad rayon sakini Elnur Məmmədov DİN rəhbərliyinə ünvanladığı təşəkkür məktubunda rayon ərazisində yol hərəkəti təhlükəsizliyinin etibarlı şəkildə təmin edilməsinə görə Cəlilabad RPŞ-nin dövlət yol polisi bölməsinin əməkdaşlarına minnətdarlığını bildirir

Masallı rayon sakini Eldar Xələfov DİN rəhbərliyinə ünvanladığı təşəkkür məktubunda dələduzluq yolu ilə pulunun mənimsənilməsi barədə müraciətinin Baş Mütəşəkkil Cinayətkarlıqla Mübarizə İdarəsində obyektiv şəkildə araşdırılmasına və ona dəymiş maddi ziyanın ödənilməsinin təmin edilməsinə görə minnətdarlığını ifadə edir.

Astara şəhər sakini Rəfiqə Cümşüdova DİN rəhbərliyinə ünvanladığı təşəkkür məktubunda pulunun dələduzluq yolu ilə mənimsənilməsi barədə etdiyi müraciətin Astara RPŞ-də obyektiv şəkildə araşdırıldığını, ona dəymiş maddi ziyanın ödənilməsinin təmin edildiyini bildirir və öz minnətdarlığını ifadə edir.

Astara rayon sakini Zeynəb Ələkbərova DİN rəhbərliyinə ünvanladığı təşəkkür məktubunda vətəndaş müraciətlərinə həssaslıqla yanaşdıqlarına və xidməti vəzifələrinin öhdəsindən layiqincə gəldiklərinə görə Astara Rayon Polis Şöbəsinin rəhbərliyindən razılığını ifadə edir.

Bakı şəhər sakini Ramil Əlizadə dostu Səvxan Mahmudzadənin sirkə turşusu içərək zəhərlənmiş azyaşlı qızının həyatının xilas edilməsində göstərdikləri köməkliyə görə Azərbaycan Polisinə minnətdarlığını bildirir.

Bakı şəhər sakini Rahim Nəsirov üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə Azərbaycan Polisinə təşəkkürünü ifadə edir.

Bakı şəhər sakini Nadir Məmmədov üzləşdiyi oğurluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində cinayətkarın tutulmasında, eləcə də ona dəymiş maddi ziyanın ödətdirilməsində göstərdikləri köməkliyə görə Binəqədi RPİ-nin İstintaq Şöbəsinin rəhbərliyinə və əməkdaşlarına minnətdarlığını yazır.

Bakı şəhər sakini Xəyal Şahbazov ictimai asayişin və təhlükəsizliyin təmin olunmasında, hüquqazidd əməllərin qarşısının alınmasında, narkotiklərin, psixotrop maddələrin və onların prekursorlarının qanunsuz dövriyyəsinə qarşı qətiyyətli mübarizədə xidməti vəzifə borclarını layiqincə yerinə yetirdiklərinə görə Suraxanı RPİ 30-cu Polis Bölməsinin rəhbərliyinə və şəxsi heyətinə təşəkkürünü bildirir.