Saatlı rayon sakini Nəbi Nəbiyev etdiyi müraciətə dərhal reaksiya verilməsinə və həll olunmasına görə  DİN rəhbərliyinə və Baş Dövlət Yol Polisi İdarəsinin şəxsi heyətinə təşəkkür bildirir.

Şəhid ailəsi bildirir ki, uzun müddət hərbi hospitalda müalicə alan övladları dünyasını dəyişib. Şəhidin cənazəsi məsciddə yuyulduqdan sonra onlara təhvil verilməsi məqsədilə yaşadıqları Hövsan qəsəbəsinə gətirilib. Bu zaman Bakı Şəhər Dövlət Yol Polisi İdarəsinin Yol Patrul Xidmətinin əməkdaşları şəhidin gətirildiyi avtomobil karvanını müşayiət edib. Şəhid ailəsi onlara göstərilən diqqət və qayğıya görə Azərbaycan Polisinə təşəkkürünü bildirir. 

Füzuli rayon sakini Akif Qayıbov ictimai asayişin və təhlükəsizliyin təmin olunmasında, vətəndaşların qanuni mənafelərinin, eləcə də hüquq və azadlıqlarının etibarlı qorunmasında xidməti vəzifə borclarını layiqincə yerinə yetirdiklərinə görə Azərbaycan Polisinə minnətdarlığını bildirir. 

Gürcüstan Respublikasının vətəndaşı Paşa Əliyev avtomobilini texniki baxışdan keçirən zaman vətəndaşlara göstərilən operativliyə, diqqət və qayğıya, eləcə də həssas münasibətə görə Baş Dövlət Yol Polisi İdarəsinin rəhbərliyinə və şəxsi heyətinə təşəkkürünü ifadə edir. 

Bakı şəhər sakini əqli qüsurlu bacısının itkin düşməsi ilə əlaqədar etdiyi müraciətə operativ reaksiya verilərək qısa zaman kəsiyində sağ-salamat tapılmasında göstərdikləri köməkliyə görə Binəqədi RPİ 4-cü Polis Bölməsinin rəhbərliyinə və əməkdaşlarına minnətdarlığını yazır.

Sosial şəbəkə istifadəçisi olan bir qadın DİN-in “Instagram” səhifəsinə mesaj yazaraq üzləşdiyi problemlə əlaqədar etdiyi müraciətə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə minnətdarlığını bildirir.

Qax rayon sakini, şəhid atası olan Həbibullah Qarayev Daxili İşlər Nazirliyinə ünvanladığı məktubunda digər oğlunun daxili işlər orqanlarında xidmətə qəbul edildiyinə görə DİN rəhbərliyinə təşəkkürünü bildirir. O, daxili işlər orqanlarında gənc əməkdaşlara, o cümlədən Şəhid ailələrinə, qazilərə, Vətən müharibəsi iştirakçılarına göstərilən diqqət və qayğının, etimadın təqdirəlayiq olduğunu qeyd edir. 

Bakı şəhər sakini Süleyman İsmayılbəyli “Facebook” sosial şəbəkəsindəki hesabında Azərbaycan polisinə təşəkkür mesajı paylaşıb. O, yaşadığı ərazidə sakinlərin narahatlığına səbəb olan məsələ ilə bağlı müraciətinə çevik reaksiya verilərək qısa müddətdə müsbət həll olunduğunu qeyd edərək DİN rəhbərliyinə təşəkkürünü bildirir. 

Bir qrup Salyan rayon sakini DİN-ə ünvanladıqları təşəkkür məktubunda xidməti vəzifələrini və peşə fəaliyyətini layiqincə yerinə yetirdiklərinə görə DİN rəhbərliyinə və Salyan RPŞ-nin əməkdaşlarına minnətdarlıqlarını bildirirlər.