Saatlı rayon sakini Ağaş Yolçiyev məktubunda rayon ərazisində ictimai asayişin etibarlı qorunmasına, həmçinin yol polisi əməkdaşları tərəfindən yol hərəkətinin yüksək səviyyədə təşkilinə, hərəkət iştirakçılarının təhlükəsizliyinin təmin olunması üçün həyata keçirilən profiklaktik və maarifləndirici tədbirlərə görə DİN rəhbərliyinə və Saatlı Rayon Polis Şöbəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.  

Yevlax rayon sakini Yasin Qasımov müraciətinə operativ reaksiya verilməsinə görə Yevlax Rayon Polis Şöbəsinin əməkdaşlarına minnətdarlığını bildirir.

Sosial şəbəkə izləyicisi Səbinə İmanova Daxili İşlər Nazirliyinə ünvanladığı məktubunda müraciətinə baxılaraq müsbət həll edildiyinə görə DİN rəhbərliyinə minnətdarlığını bildirir.

Sosial şəbəkə izləyicisi Nəzrin Müslümova Daxili İşlər Nazirliyinə ünvanladığı müraciətə operativ baxıldığını, obyektiv araşdırılaraq qısa müddətdə müsbət həll edildiyini qeyd edərək DİN rəhbərliyinə və Xətai RPİ 35-ci Polis Bölməsinin əməkdaşlarına təşəkkürünü bildirir. 

Sosial şəbəkə izləyicisi Abuzər Cəfərli müraciətinə operativ reaksiya verilməsinə və qısa zaman kəsiyində həllini tapmasına görə Sabunçu Rayon Polis İdarəsinin 14-cü Polis  Bölməsinin əməkdaşlarına təşəkkür edir.

Sosial şəbəkə izləyicisi İlqar Həsənov müraciətinin müsbət həll olunmasına görə DİN rəhbərliyinə minnətdarlıq edir.

Abşeron rayon sakini Vahid Əhmədov sabitliyin və asayişin keşiyində qətiyyətlə duran, cinayətkarlıqla mübarizədə barışmaz mövqe nümayiş etdirən Azərbaycan Polisinə xidmətlərində uğurlar arzulayır.

Şirvan şəhər sakini Samid Əmrəliyev “Facebook” sosial şəbəkəsindəki hesabında paylaşdığı postda xidməti vəzifələrini layiqincə yerinə yetirdiklərinə, eləcə də vətəndaşlara göstərilən diqqət və qayğıya görə başda DİN rəhbərliyi olmaqla, Şirvan ŞPŞ-nin rəhbərliyinə və əməkdaşlarına öz minnətdarlığını bildirir.

Bir neçə Neftçala rayon sakini DİN-ə ünvanladıqları kollektiv təşəkkür məktubunda rayon ərazisində yaşayan şəhid və qazi ailələrinə göstərdikləri diqqət və qayğıya, eləcə də xidməti vəzifələrini və peşə fəaliyyətini layiqincə yerinə yetirdiklərinə görə Neftçala RPŞ-nin rəhbərliyinə və əməkdaşlarına minnətdarlıqlarını bildirirlər.