Bakı şəhər sakini Namik Rzayev adını bilmədiyi şəxs tərəfindən kobud rəftara həmçinin hədələrə məruz qalması ilə bağlı etdiyi müraciətlə bağlı polis əməkdaşları tərəfindən araşdırma nəticəsində dərhal məsələnin müsbət istiqamətdə həll olunmasına görə DİN rəhbərliyinə dərin minnətdarlığını bildirir.

Bakı şəhər sakini Əlmaniz Ələkbərov humanist polis əməkdaşlarına görə DİN rəhbərliyinə, o cümlədən xidməti vəzifələrini və peşə fəaliyyətini layiqincə yerinə yetirən Balakən Rayon Polis Şöbəsinin əməkdaşlarına təşəkkürünü bildirir.

Bakı şəhər sakini Zalxa İsayeva məktubunda mobil telefonunun oğurlanması barədə müraciəti ilə əlaqədar Yasamal RPİ-nin 29-cu Polis Şöbəsinə dəvət edildiyini, hüquq və vəzifələrinin ona izah olunduğunu və aparılan araşdırmalar barədə ətraflı məlumat verildiyini qeyd edir. O, müraciətinə diqqətlə baxıldığına və həyata keçirilən tədbirlərə görə 29-cu Polis Şöbəsinin əməkdaşlarına təşəkkürünü bildirir.

Lənkəran rayonunun Separadi kəndində yaşayan Şaiq Əhmədov məktubunda Vətən müharibəsinin iştirakçısı olan oğlunun daxili işlər orqanlarında xidmətə qəbul edildiyini bildirir. O, daxili işlər orqanlarında Vətən müharibəsi iştirakçılarına və gənc əməkdaşlara göstərilən diqqət və qayğının, etimadın təqdirəlayiq olduğunu qeyd edərək DİN rəhbərliyinə minnətdarlığını bildirir.

Mingəşevir şəhər sakini Sevil Cəfərova müraciətinə obyektiv baxılaraq müsbət yöndə həll edilməsinə görə DİN rəhbərliyinə öz minnətdarlığını bildirir.

Qəbələ rayon sakini Sevinc Ağayeva DİN rəhbərliyinə ünvanladığı təşəkkür məktubunda müraciətinə operativ reaksiya verilərək müsbət yöndə həll olunmasına görə RPŞ-nin əməkdaşlarına minnətdarlıq edir.

Bakı şəhər sakini Xumar Şəfiyeva DİN-in “İnstagram” səhifəsi vasitəsilə Azərbaycan Polisinə təşəkkürünü bildirib. O, müraciəti ilə bağlı Səbail RPİ-nin 8-ci Polis Bölməsində qəbul edildiyini, araşdırma aparılaraq probleminin qısa müddətdə müsbət həll edildiyini qeyd edərək DİN rəhbərliyinə minnətdarlığını bildirir.

Bakı şəhər sakini Rüfət Mirzəliyev DİN-in “İnstagram” səhifəsi vasitəsilə təşəkkürünü bildirib. O, mobil telefonunun itməsi barədə Binəqədi RPİ-nin 5-ci Polis Bölməsinə müraciət etdiyini bildirir. Az müddət sonra polis əməkdaşları onu bölməyə dəvət ediblər və tapılmış telefonunu ona qaytarıblar.

R.Mirzəyev vətəndaş müraciətlərinə diqqətlə yanaşılmasına və operativliyə görə DİN rəhbərliyinə və Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.

Bakı şəhər sakini Şəbnəm Umudova DİN-in “İnstagram” səhifəsi vasitəsilə təşəkkürünü bildirib. O, müraciətinə operativ baxıldığını, Suraxanı Rayon Polis İdarəsində qəbul edilərək araşdırma aparıldığını və probleminin müsbət həll olunduğunu qeyd edərək DİN rəhbərliyinə təşəkkürünü bildirir.