Bir neçə Neftçala rayon sakini DİN-ə ünvanladıqları kollektiv təşəkkür məktubunda rayon ərazisində yaşayan şəhid və qazi ailələrinə göstərdikləri diqqət və qayğıya, eləcə də xidməti vəzifələrini və peşə fəaliyyətini layiqincə yerinə yetirdiklərinə görə Neftçala RPŞ-nin rəhbərliyinə və əməkdaşlarına minnətdarlıqlarını bildirirlər.

Sabirabad rayon sakini Mansur Ağayev DİN-in “Facebook” səhifəsinə mesaj yazaraq rayon ərazisində yerləşən bazarda baş verən yanğın hadisəsindən sonra ona və yanğından zərər çəkən digər sahibkarlara göstərilən həssas münasibətə görə Sabirabad RPŞ-nin rəhbərliyinə və əməkdaşlarına təşəkkürünü bildirir.

Bakı şəhər sakini İlyas Sadıqov Daxili İşlər Nazirliyinə ünvanladığı məktubunda müraciətinə baxılaraq müsbət həll edildiyinə görə DİN rəhbərliyinə minnətdarlığını bildirir.

Bakı şəhər sakini Tərlan Fərzəliyev Daxili İşlər Nazirliyinə ünvanladığı məktubunda respublikamızda ictimai asayişi ayıq-sayıq qoruyan, cinayətkarlıqla qətiyyətli mübarizə aparan, öz üzərinə düşən vəzifələri layiqincə yerinə yetirən Azərbaycan polisinə təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Rinat Sofuyev DİN-in “Facebook” səhifəsinə təşəkkür mesajı yazıb. O, etdiyi müraciətlə əlaqədar Sabunçu Rayon Polis İdarəsinə dəvət olunduğunu, aparılan obyektiv araşdırma nəticəsində qısa müddətdə müraciətinin müsbət həll edildiyini qeyd edərək DİN rəhbərliyinə və Sabunçu RPİ-nin əməkdaşlarına təşəkkürünü bildirir.

Bakı şəhər sakini Fariz Nəhmətov DİN-in “Instagram” səhifəsinə təşəkkür mesajı yazıb. O, etdiyi müraciətə operativ baxıldığını, obyektiv araşdırılaraq qısa müddətdə müsbət həll edildiyini qeyd edərək DİN rəhbərliyinə və Binəqədi RPİ 7-ci Polis Bölməsinin əməkdaşlarına təşəkkürünü bildirir.

Bakı şəhər sakini Zümrüd Muradova DİN rəhbərliyinə ünvanladığı təşəkkür məktubunda etdiyi müraciətə çevik reaksiya verilməsinə və məsələnin tez bir zamanda həllini tapmasına görə Xətai RPİ-nin 34-cü Polis Bölməsinin şəxsi heyətinə minnətdarlığını ifadə edir.   

Abşeron rayon sakini Emil Qurbanov DİN-ə ünvanladığı təşəkkür məktubunda narkotik vasitələrin qanunsuz dövriyyəsinin qarşısının alınmasındakı fəal iştirakına və vəzifə borclarını layiqincə yerinə yetirdiklərinə görə Baş Narkotiklərlə Mübarizə İdarəsinin şəxsi heyətinə təşəkkürünü bildirir.

Sosial şəbəkə izləyicisi Elnur Cəbizadə DİN-ə ünvanladığı təşəkkür  məktubunda etdiyi müraciətə baxılmasına və probleminin tez bir zamanda həllini tapmasında göstərilən köməkliyə görə Nərimanov RPİ-nin 16-cı Polis Bölməsinin şəxsi heyətinə təşəkkürünü bildirir.