Vətəndaş Yaqut Cəfərova şikayətinə tez bir zamanda baxılaraq həllini tapmasında göstərdikləri köməkliyə görə Azərbaycan Polisinə təşəkkürünü bildirir. O, vətəndaş müraciətlərinə həssaslıqla yanaşılmasını yüksək dəyərləndirir.

Vətəndaş Ruslan Süleymanov avtomobili ilə bağlı probleminin həllini tapmasında ona göstərdikləri köməkliyə görə Səbail RPİ Dövlət Yol Polisi Şöbəsinin əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasının polis-vətəndaş münasibətlərinin günü-gündən daha da yaxşılaşmasına zəmin yaratdığını qeyd edir.

Vətəndaş Elsəvər Şahbazov qarşılaşdığı problemlə bağlı etdiyi müraciətə operativ reaksiya verildiyi üçün, həmçinin avtomobil yollarında təhlükəsizliyin etibarlı təmin olunmasına, polis əməkdaşlarının humanistliyinə, xoş rəftarlarına və nəzakətli davranışılarına görə DİN rəhbərliyinə minnətdarlığını bildirir, polis əməkdaşlarına çətin və şərəfli işlərində uğurlar arzulayır.

Vətəndaş Zamir Hüseynov məktubunda müraciəti ilə bağlı Bakı Metropolitenində Polis Şöbəsində yüksək hörmətlə qarşılandığını və müraciətinin müsbət həll olunduğunu qeyd edir. Ona göstərilən diqqət və qayğıya görə DİN rəhbərliyinə və DİO əməkdaşlarına təşəkkürünü bildirir.

Vətəndaş Qəndab Həbibbəyli yol nəqliyyat hadisəsi zamanı qarşılaşdığı problemlə bağlı etdiyi müraciətə operativ baxıldığına, qısa müddətdə araşdırılaraq müvafiq tədbirlərin keçiridiyinə və pozulmuş hüquqlarının bərpa edildiyinə görə Bakı Şəhər Baş Polis İdarəsinin əməkdaşlarına minnətdarlığını bildirir.

Vətəndaş Mehrac Sarıxanlı etdiyi müraciətində DİN-in Baş Dövlət Yol Polisi İdarəsinə bilavasitə tabe olan Qeydiyyat-İmtahan İdarəsində qəbul edildiyini, dinlənildiyini bildirir, qısa müddətdə və rahatlıqla avtomobilinin qeydiyyata alındığını qeyd edir. M.Sarıxanlı vətəndaşların rahatlığı üçün yaradılan şəraitə və göstərilən xidmətə görə DİO əməkdaşlarına təşəkkürünü bildirir.

Hacıqabul rayon sakini Gülay Babayeva DİN-ə ünvanladığı məktubunda DİN rəhbərliyinə və BMİ-nin Yasamal RMİ-nin əməkdaşlarına minnətdarlığını bildirir.

“Facebook” sosial şəbəkəsindəki Sirvan Tvinfo səhifəsində Azərbaycan Polisinə təşəkkür postu paylaşılıb: “Bu gün Şirvan şəhərində epilepsiya xəstəliyindən əziyyət çəkən balaca bir uşağın yolda qıcolması tutub və köməksiz vəziyyətdə qalıb. Bu vaxt ərazinin yaxınlığından keçən Şirvan Şəhər Polis Şöbəsinin Post Patrul Xidmətinin Yunis və Tural adlı əməkdaşları vaxt itirmədən, dərhal uşağa ilkin tibbi yardım göstəriblər. Daha sonra xəstəxanaya çatdırılan uşağın valideynlərinə də bu barədə məlumat veriblər. Hal-hazırda uşağın səhhəti bağlı heç bir problem yoxdur. Şirvan ictimaiyyəti olaraq azyaşlıya yardım edən həmin polis əməkdaşlarına öz təşəkkürümüzü bildiririk”.

Bakı şəhər sakini Şahin Dünyamaliyev DİN-nə ünvanladığı təşəkkür məktubunda onu və ailəsini narahat edən məsələ ilə bağlı etdikləri müraciətə Salyan Rayon Polis Şöbəsinin əməkdaşları tərəfindən operativ reaksiya verilməsinə görə DİN rəhbərliyinə və RPŞ-nin əməkdaşlarına öz minnətdarlığını bildirir.