Vətəndaş İslam Məmmədov DİN-in “İnstagram” səhifəsinə təşəkkür mesajı ünvanlayıb:   Mən 02.04.2026-cı il tarixində 500 manat pulumun ələ keçirilməsi ilə bağlı Nərimanov Rayon Polis İdarəsinin 16-cı Polis Şöbəsinə ərizə ilə müraciət etmişdim. Mənim müraciətimə polis əməkdaşları tam ciddi yanaşaraq mənə dəymiş ziyanın ödətdirilməsinə köməklik göstərmişlər. Buna görə də cənab Nazir şəxsən Sizə, Nərimanov RPİ-nin şəxsi heyətinə və 16-cı Polis Şöbəsinin rəisinə öz təşəkkürümü bilidirirəm.

Vətəndaş Elşən Rəhimov DİN-in “İnstagram” səhifəsinə təşəkkür mesajı ünvanlayıb:   Mən Rəhimov Elşən Zalman oğlu, 10.04.2026-cı il tarixində Xətai prospektində taksidə olduğum vaxt yol-nəqliyyat hadisəsi baş vermişdi. Hadisə yerinə gələn Nərimanov Rayon Polis İdarəsinin əməkdaşları tərəfindən təhqiqat şöbəsində araşdırma aparıldı. Araşdırmadan razı qaldım. Buna görə başda cənab Nazirimiz Vilayət Eyvazov olmaqla Nərimanov Rayon Polis İdarəsinin rəhbərliyinə təşəkkürümü bildirirəm.

Vətəndaş Səbinə İbranizadə DİN-ə ünvanladığı teleqramında döyülmə faktı ilə bağlı müraciətinə operativ baxıldığına, həmçinin avtomobilinə dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nəsimi RPİ-nini rəhbərliyinə minnətdarlığını bildirir.

Vətəndaş Könül Məmmədova DİN-ə ünvanladığı teleqramında cinayət nəticəsində dəymiş maddi ziyanın ödətdirilməsində göstərilən köməkliyə görə DİN-in rəhbərliyinə, Baş İstintaq və Təhqiqat İdarəsinin əməkdaşlarına minnətdarlığını bildirir.

Vətəndaş Qələndər Cəlilli DİN-in “Instagram” səhifəsinə təşəkkür mesajı ünvanlayıb: “Mən Nərimanov Rayon Polis İdarəsinin 17-ci Polis Şöbəsinə müraciət etmişdim. Buna əsasən mənim işimi düzgün və vaxtında həll etdikləri üçün DİN-in, Nərimanov RPİ-nin və 17-ci Polis Şöbəsinin rəhbərliyinə, həmçinin şəxsi heyətinə öz minnətdarlığımı bildirirəm”.

Vətəndaş Ülvi Babayev DİN-in “Instagram” səhifəsinə təşəkkür mesajı ünvanlayıb: “22.04.2026-cı il tarixində Nərimanov rayonu ərazisində baş vermiş yol-nəqliyyat hadisəsinin iştirakçısı oldum. Hadisə yerinə gələn polis əməkdaşı öz peşəkarlığını göstərərək hadisə yerini mühafizə edib hər bir vətəndaşa köməklik etdilər. Buna görə DİN-in və Nərimanov Rayon Polis İdarəsinin rəhbərliyinə təşəkkür edirəm”.

Vətəndaş Lalə Həsənova DİN-in “Instagram” səhifəsinə təşəkkür mesajı ünvanlayıb: “Sizə Pirallahı rayonundan yazaraq dərin təşəkkürümü bildirirəm. Yaşadığımız ünvanın qarşısında tanımadığım şəxslər spirtli içki qəbul edib saatlarla qalırdılar, bu da məni və qonşuları narahat edirdi. Bu məsələ ilə bağlı polisə müraciət etdim. Keçirilən tədbirlərlə hazırda qeyd etdiyim şəxsləri görmürük. DİN-in rəhbərliyinə və Pirallahı Rayon Polis İdarəsinə minnətdarlığımı bildirirəm”.

Vətəndaş Nigar Nəbiyeva DİN-in “Instagram” səhifəsinə təşəkkür mesajı ünvanlayıb: “Çox sağ olun. Metroda pul kisəmi itirmişdim. Polis əməkdaşları qısa müddətdə taparaq təhvil verdilər. Təşəkkür edirəm”.

Vətəndaş Elena Xanmətova DİN-in “Instagram” səhifəsinə təşəkkür mesajı ünvanlayıb: “Mən Rusiya Federasiyasında yaşayıram və Bakı şəhərində qonaq idim. Pulqabımı itirmişdim, içərisində sənədlərim və pul vəsaiti var idi. Düzünü desəm, pulqabımın tapılacağına inanmırdım. Çünki Rusiyada yaşadığım müddətdə belə bir hal ilə rastlaşmamış və eşitməmişdim. Lakin Nizami Rayon Polis İdarəsinin 24-cü Polis Şöbəsinin əməkdaşları bir saat ərzində pulqabımı sənədlər və pul ilə birlikdə tapdılar. Bu hadisə məni xoş təəccübləndirdi. Pulqabımın bu qədər qısa müddətdə və operativ şəkildə tapılması böyük məmnunluq yaratdı. Nizami RPİ-nin əməkdaşlarının bu işdə göstərdiyi fəallığa görə dərin təşəkkürümü bildirirəm”.