Vətəndaş Mərhəmət Yunisli DİN-in “Instagram” səhifəsinə yazdığı təşəkkür mesajında üzləşdiyi qanunsuzluqla bağlı “102” Xidməti-Zəng Mərkəzinə müraciət etdiyini bildirir. Müraciətinin obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Naxçıvan Şəhər Polis İdarəsinin əməkdaşlarına minnətdarlığını bildirir.

Vətəndaş Coşqun Abbasov DİN-in “Instagram” səhifəsinə təşəkkür mesajı ünvanlayıb: “Avtomobilimlə bağlı Naxçıvan Şəhər Polis İdarəsinə ərizə ilə müraciət etmişdim. Naxçıvan ŞPİ-nin əməkdaşları tərəfindən mənim işimə düzgün şəkildə baxıldığına görə DİN-in rəhbərliyinə və Naxçıvan Şəhər Polis İdarəsinin əməkdaşlarına təşəkkürümü bildirirəm. Yaşasın, Azərbaycan polisi!”.

Bakı şəhər sakini Elnarə Balayeva Daxili İşlər Nazirliyinə ünvanladığı teleqramında uzun müddət həllini tapmayan problemi ilə bağlı müraciətinə baxıldığını və aparılan araşdırmalar nəticəsində probleminin müsbət həll olunduğunu bildirib. O, müraciətinə göstərilən diqqətə və operativliyə görə DİN rəhbərliyinə və Xətai Rayon Polis İdarəsinin 33-cü Polis Bölməsinin əməkdaşlarına təşəkkürünü bildirir, onlara çətin və şərəfli xidmətlərində uğurlar arzulayır.

Vətəndaş Elvin Əlizadə “Instagram” sosial şəbəkəsi vasitəsilə etdiyi müraciətində mobil telefonunu itirməsi ilə əlaqədar Şahbuz Rayon Polis Şöbəsinə müraciət etdiyini bildirir. O, polis əməkdaşları tərəfindən həyata keçirilən tədbirlər nəticəsində mobil telefonunun tapıldığını və özünə qaytarıldığıni bildirərək göstərilən köməkliyə və operativliyə görə DİN rəhbərliyinə, Naxçıvan Muxtar Respublikasının Daxili İşlər Nazirliyinə və Şahbuz Rayon Polis Şöbəsinin əməkdaşlarına təşəkkürünü bildirir.

Vətəndaş Şahin Hüseynli “Instagram” sosial şəbəkəsi vasitəsilə etdiyi müraciətinə qısa müddətdə baxıldığını və məsələnin müsbət həll olunduğunu qeyd edir. Müraciətinə operativ və həssas yanaşılmasına görə DİN rəhbərliyinə və Naxçıvan Muxtar Respublikasının Daxili İşlər Nazirliyinə təşəkkürünü bildirir, onlara çətin və şərəfli xidmətlərində uğurlar arzulayır.

Vətən müharibəsi veteranı Orxan Əliyev ünvanladığı təşəkkür məktubunda Daxili İşlər Nazirliyinin fəaliyyətini yüksək qiymətləndirdiyini bildirir. O, daxili işlər orqanlarında vətəndaş müraciətlərinə həssas yanaşıldığını, polis əməkdaşlarının peşəkar və məsuliyyətli fəaliyyət göstərdiklərini qeyd edir. Vətən müharibəsi veteranı kimi Daxili İşlər Nazirliyinin rəhbərliyinə və əməkdaşlarına etimad bəslədiyini, onların fəaliyyətini təqdirəlayiq hesab etdiyini yazaraq DİN rəhbərliyinə və daxili işlər orqanlarının əməkdaşlarına təşəkkürünü bildirir, Azərbaycan polisinə çətin və şərəfli xidmətlərində uğurlar arzulayır.

Bakı şəhər sakini Tamerlan Abbas Daxili İşlər Nazirliyinə ünvanladığı elektron müraciətində özünə məxsus pul çantasını itirdiyini bildirir. O, polis əməkdaşları tərəfindən həyata keçirilən operativ tədbirlər nəticəsində pul çantasının qısa müddətdə tapılaraq özünə təhvil verildiyini və göstərilən köməkliyə görə DİN rəhbərliyinə və Səbail Rayon Polis İdarəsinin 9-cu Polis Bölməsinin əməkdaşlarına təşəkkürünü bildirir. 

Vətəndaş Mirməhəmməd Müslümov “Instagram” sosial şəbəkəsi vasitəsilə etdiyi müraciətində bildirib ki, yaşadığı problem qısa müddətdə müsbət həllini tapıb. M.Müslümov müraciətinə operativ və həssas yanaşılmasına görə DİN rəhbərliyinə, Naxçıvan Muxtar Respublikasının Daxili İşlər Nazirliyinə təşəkkürünü bildirir.

Quba rayon sakini Vüsal Məmmədov Daxili İşlər Nazirliyinə ünvanladığı məktubunda müraciətinə operativ baxılmasına, obyektiv araşdırılmasına və müsbət həllinin təmin edilməsinə görə Azərbaycan polisinə minnətdarlığını bildirir.