Bakı şəhər sakini Gülarə Salam-zadə DİN-ə yazdığı məktubunda üzləşdiyi yol nəqliyyat hadisəsinin Bakı Şəhər Baş Polis İdarəsinin Dövlət Yol Polisi İdarəsinin əməkdaşları tərəfindən peşəkarlıqla araşdırılmasına və vətəndaş məmnunluğunun təmin olunmasına görə təşəkkürünü bildirir.

Vətəndaş Ülvi Rzazadə DİN-in “İnstagram” səhifəsinə təşəkkür mesajı ünvanlayıb:
Hörmətli cənab Nazir Vilayət Eyvazov! 25.06.2026-cı il tarixində Bakı şəhəri, Nərimanov rayonu, Məmməd Araz küçəsində baş vermiş yol- nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmada iştirak etdim. Araşdırma zamanı mənə hüquq və vəzifələrim ətraflı izah olundu, müraciətimə diqqətlə yanaşıldı və qanunvericiliyin tələblərinə uyğun münasibət göstərildi. Buna görə də Sizə, Sizin simanızda Nərimanov Rayon Polis İdarəsinin Təhqiqat Şöbəsinin əməkdaşlarına dərin minnətdarlığımı və səmimi təşəkkürümü bildirirəm.

Vətəndaş Samir Hüseynov DİN-in “İnstagram” səhifəsinə təşəkkür mesajı ünvanlayıb: Nərimanov rayonunda baş vermiş yol nəqliyyat hadisəsi ilə əlaqədar olaraq təhqiqat şöbəsində aparılan araşdırmanın iştirakçısı oldum. Aparılan təhqiqat zamanı araşdırmanın operativliyinin və düzgünlüyünün bilavasitə şahidi oldum. Polisimizin göstərdiyi fədakarlığa görə hörmətli cənab Nazirə və Nərimanov rayon Polis idarəsinin rəhbərinə öz təşəkkürümü bildirirəm. 

Vətəndaş Elmar Həsənov DİN-in “İnstagram” səhifəsinə təşəkkür mesajı ünvanlayıb: Xətai rayon Polis idarəsinin 36-cı polis şöbəsinə binanın yaxınlığında olan küçə ticarətinin gediş-gəliş yolunu bağlaması ilə bağlı müraciət etmişdim. Müraciətimə dərhal reaksiya verilərək gediş-gəliş yolu təmizləndi və həmin şəxs barəsində qanuni tədbir görüldü. Müraciətimə həssas yanaşıldığı üçün Daxili işlər Naziri cənab Vilayət Eyvazova və Xətai rayon Polis idarəsinin rəhbərliyinə öz təşəkkürümü bildirirəm.

Vətəndaş Sevinc Hacıyeva DİN-in “İnstagram” səhifəsinə təşəkkür mesajı ünvanlayıb: Mən tanıdığım şəxs tərəfindən avtomaşınıma ziyan vurulması və evimin açarının oğurlanması ilə bağlı Nərimanov rayon polis idarəsinin 16-cı polis şöbəsinə ərizə ilə müraciət etmişdim. Mənim müraciətim əsasında həmin şəxs müəyyən edilmiş və mənə dəymiş 380 manat ziyan ödətdirilmişdir. Buna görə də cənab Nazir şəxsən Sizə, Nərimanov rayon polis idarəsinin rəisinə və 16-cı polis şöbəsinin rəisinə öz təşəkkürümü bildirirəm.   

Vətəndaş Fidan Muradova DİN-in “İnstagram” səhifəsinə təşəkkür mesajı ünvanlayıb: Mən Muradova Fidan Nəsib qızı, ərizə ilə Xətai Rayon Polis İdarəsinin 34-cü polis şöbəsinə müraciət etmişdim. Müraciətimə operativ şəkildə reaksiya verilmiş və mənə vurulmuş maddi ziyan tam olaraq ödənilmişdir. Buna görə cənab Nazir Sizə, Xətai rayon polis idarəsinin rəhbərliyinə və 34-cü polis şöbəsinin rəhbərliyinə öz dərin təşəkkürümü bildirirəm.

Vətəndaş Aişə Talıbova DİN-in “İnstagram” səhifəsinə təşəkkür mesajı ünvanlayıb: Mən, Talıbova Aişə Müşviq qızı, Daxili İşlər Nazirliyinə elektron müraciət etmişdim. Müraciətim Nərimanov Rayon Polis İdarəsinin 17-ci Polis Şöbəsinə yönəldilmiş və müraciətimə baxılmış, müsbət qərar qəbul edilmişdir. Buna görə də cənab Nazir Vilayət Eyvazova və Nərimanov Rayon Polis İdarəsinin əməkdaşlarına öz təşəkkürümü bildirirəm.

Əcnəbi vətəndaş Cantay Otorbayev müraciətinə dərhal reaksiya verildiyinə və həyata keçirilən operativ tədbirlərə görə Səbail RPİ-nin 39-cu Polis Şöbəsinin əməkdaşlarına təşəkkürünü bildirir.

Əcnəbi vətəndaş Baycanova Ayqerim Akjikit itirdiyi çantası ilə bağlı müraciətinə həssas yanaşıldığına, operativ tədbirlərlə göstərilən köməkliyə görə Səbail Rayon Polis İdarəsinin 9-cu Polis Şöbəsinin əməkdaşlarına təşəkkürünü bildirir.