Bakı şəhər sakini Emin Quliyev bir qrup Xətai rayon sakini adından DİN-in “Instagram” səhifəsinə təşəkkür mesajı yazıb. O, yaşadıqları binanın giriş hissəsində nəqliyyat vasitələrinin yol kimi istifadə etməsinin sakinlərin həyatına təhlükə yaratması ilə bağlı müraciətinə Xətai Rayon Polis İdarəsində operativ baxıldığını, müvafiq tədbirlər görülərək qısa müddətdə problemlərinin həll olunduğunu qeyd edir.
E.Quliyev yol hərəkəti təhlükəsizliyinin təmin olunmasına və ictimai asayişin etibarlı qorunmasına görə DİN rəhbərliyinə və Xətai RPİ-nin əməkdaşlarına minnətdarlığını bildirir, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.  

Tovuz rayon sakini Elsevər Abdullayev müraciətinə operativ baxılaraq probleminin müsbət həllini tapmasında ona göstərdikləri köməkliyə görə DİN rəhbərliyinə təşəkkürünü bildirir. O, Azərbaycan polisinin gərgin xidməti fəaliyyətini təqdir edir.

Bir qrup Naftalan şəhər sakini DİN-ə ünvanladıqları təşəkkür məktublarında  müraciətlərinə həssas yanaşılaraq, operativ və obyektiv reaksiya verdiklərinə görə Naftalan Şəhr Polis Şöbəsinin şəxsi heyətinə təşəkkürlərini bildirirlər.

Qazax rayon sakini Əsəd Kərimov müraciətinə çevik reaksiya verilməsinə, qanuni mənafeyinin qorunmasına və ona dəyən maddi ziyanın qarşılanmasının təmin edilməsinə görə DİN rəhbərliyinə və polis əməkdaşlarına öz təşəkkürünü bildirir.

Bakı şəhər sakinləri Səbuhi Məhərrəmov və İsmixan Mustafayev pozulmuş hüquqlarının bərpa olunmasında göstərdikləri köməkliyə görə DİN rəhbərliyinə minnətdarlıqlarını yazırlar.

Vətəndaş Alim İbrahimov DİN rəhbərliyinə ünvanladığı təşəkkür məktubunda cinayətkarlığa və narkotiklərin qanunsuz dövriyyəsinə qarşı aparılan mübarizəyə, ümumtəhsil məktəblərində keçirilən maarifləndirici tədbirlərə və rayon ərazisində yol hərəkəti təlükəsizliyinin təmin edilməsinə görə Goranboy RPŞ-nin rəisi, polisi polkovniki Məmməd Hüseynovdan razılığını bildirir və minnətdarlığını ifadə edir.

Vətəndaş Elçin Xəlilov baş vermiş yol-nəqliyyat hadisəsi ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Gəncə ŞBPİ-nin əməkdaşlarına təşəkkürünü bildirir.  

Gəncə şəhər sakini Günay Pənahova qarşılaşdığı problemlə bağlı etdiyi müraciətinə diqqətlə yanaşıldığına, araşdırmanın gedişatı barədə ətraflı məlumat və izahların verilməsinə görə, həmçinin problemin həlli istiqamətində göstərilən köməkliyə görə DİN rəhbərliyinə və  DİO əməkdaşlarına minnətdarlığını ifadə edir. 

Şəmkir rayon sakini Araz Rəsulov məktubunda müraciəti ilə əlaqədar Şəmkir Rayon Polis Şöbəsində obyektiv araşdırma aparılaraq qısa müddətdə müsbət həll olunduğunu qeyd edir. O, müraciətinə operativ baxılmasına, obyektiv araşdırmalara və dəymiş maddi ziyanın ödətdirilməsində göstərilən köməkliyə görə Şəmkir Rayon Polis Şöbəsinin əməkdaşlarına təşəkkürünü bildirir.