Bakı şəhər sakini Şahin Zərbiyev oğurlanmış mobil telefonunun tapılaraq işlək vəziyyətdə qaytarılmasına görə Binəqədi RPİ 43-cü Polis Bölməsinin əməkdaşlarına minnətdarlığını ifadə edir.

Sosial şəbəkə istifadəçisi Saleh Nəsirov yıxılaraq xəsarət almış oğlunun xəstəxanaya çatdırılmasında dövlət yol polislərinin ona kömək etməsindən yazır. Buna görə Baş Dövlət Yol Polisi İdarəsinin rəhbərliyinə və şəxsi heyətinə təşəkkürünü ifadə edir. 

Bakı şəhər sakinləri Ruslan Əhədli, Nicat Bunyadov, Anar Həmidov və Lalə Məmmədova etdikləri müraciətlərinə operativ baxılaraq, obyektiv araşdırma aparılmasına və problemlərinin müsbət həllini tapmasında onlara göstərilən köməkliyə görə DİN rəhbərliyi başda olmaqla Azərbaycan Polisinə minnətdarlıqlarını ifadə edirlər.  

Bir qrup vətəndaş Aytac Cəfərova, Rüfət Məlikov və Orxan Abdullazadə təşəkkür məktublarında təhlükəsizliyin etibarlı təmin olunmasına, polis əməkdaşlarının humanistliyinə, xoş rəftarlarına və nəzakətli davranışılarına görə DİN rəhbərliyinə və Azərbaycan Polisinə minnətdarlığını bildirir, polis əməkdaşlarına çətin və şərəfli işlərində uğurlar arzulayırlar. 

Bakı şəhər sakinləri Rəvan Kazımov və Vüsalə Həsənova üzləşdikləri dələduzluq hadisəsi ilə əlaqədar etdikləri müraciətə operativ reaksiya verilərək qısa zaman kəsiyində həll olunmasında, eləcə də onlara dəymiş maddi ziyanın ödətdirilməsində göstərdikləri köməkliyə görə Bakı şəhər Baş Polis İdarəsinin və Nərimanov RPİ-nin 16-cı Polis Bölməsinin əməkdaşlarına təşəkkürlərini ifadə edirlər.

Təşəkkür məktubunda bir qrup vətəndaş yaşadıqları ünvanın Binəqədi RPİ-nin 43-cü Polis Bölməsinin əməkdaşları tərəfindən kamera müşahidə sistemi ilə təchiz edilməsinə görə DİN rəhbərliyinə minnətdarlıqlarını ifadə edirlər.

Beyləqan rayon sakini Günay Süleymanova ona dəymiş ziyanın aradan qaldırılmasında göstərilən köməyə görə Beyləqan Rayon Polis Şöbəsinin əməkdaşlarına minnətdarlığını bildirir.

Füzuli rayon sakini Maqsud Abışov müraciətinə operativ reaksiya verildiyinə görə Füzuli Rayon Polis Şöbəsinin əməkdaşlarına təşəkkür edir.

Bərdə rayon sakini Əvəz Atakişiyev xidməti vəzifələrini layiqincə yerinə yetirdiyinə görə Bərdə Rayon Polis Şöbəsinin əməkdaşlarına minnətdarlığını bildirir.