Vətəndaş Fail Zeynallı məktubunda paytaxtın Nizami rayonu ərazisində üzləşdiyi yol-nəqliyyat hadisəsi ilə bağlı Bakı şəhər Dövlət Yol Polisi İdarəsində aparılan araşdırmanın nəticəsindən razı qaldığını bildirir. O, obyektivliyə və operativliyə görə Bakı şəhər BPİ-nin DYPİ-nin əməkdaşlarına təşəkkür edir.

Vətəndaş Sevil Allahverdiyeva Daxili İşlər Nazirliyinə təşəkkür məktubu ünvanlayıb:
“Bu günlərdə üzləşdiyim bir hüquqi problemlə bağlı Daxili İşlər Nazirliyinin “102” Zəng Mərkəzinə etdiyim müraciət əsasında mənimlə əlaqə saxlayan və şikayətimi yerindəcə araşdırmaq üçün hadisə yerinə gələn Yasamal Rayon Polis İdarəsinin 27-ci Polis Bölməsinin əməkdaşlarına dərin təşəkkürümü bildirmək istəyirəm.
Bu əməkdaşların mənim və sağlamlıq imkanları məhdud övladımın vəziyyətini nəzərə alaraq, göstərdikləri həssaslıq, nəzakət, insani yanaşma, səbir və diqqət mənə bir ana və bir vətəndaş kimi dərin təsir bağışladı.
Həmin əməkdaşlar həm insan kimi, həm də polis əməkdaşı olaraq bizə o qədər anlayışlı, mədəni və diqqətli yanaşdılar ki, mən çətinliyimin içində özümü tək hiss etmədim. Onlar vəziyyətə hüquqi yanaşmaqla yanaşı, məni dinləməyi, sakitləşdirməyi və mənə dəstək olmağı da bacardılar. Bu da bir daha sübut etdi ki, dövlətin polisi sadəcə qanunu tətbiq etmir, həm də vətəndaşın yanında dayanır”.

Vətəndaş Mirhüseyn Musayev məktubunda cinayətkarlıqla qətiyyətli mübarizə aparan, ictimai asayişi ayıq-sayıq qoruyan, xidməti vəzifələrini layiqincə yerinə yetirən Azərbaycan polisinə təşəkkür edir, çətin və şərəfli xidmətlərində uğurlar arzulayır.  

Vətəndaş Allahverdi Həsənov məktubunda daxili işlər orqanlarında gənc əməkdaşlara, o cümlədən onun övladına göstərilən diqqət və qayğının, etimadın təqdirəlayiq olduğunu qeyd edərək DİN rəhbərliyinə minnətdarlığını bildirir.

Ağdam rayon sakini Cavidan Quliyev müraciətinin müsbət həll edilməsinə görə DİN rəhbərliyinə təşəkürünü bildirir.

Vətəndaş Vidadi DİN-in “Instagram” səhifəsinə mesajında üzləşdiyi problemlə bağlı polisə müraciət etdiyini, obyektivliyə və müraciətinin qısa müddətdə müsbət həll olunmasına görə DİN rəhbərliyinə minnətdarlığını ifadə edir.

Vətəndaş Vidadi DİN-in “Instagram” səhifəsinə mesajında üzləşdiyi problemlə bağlı polisə müraciət etdiyini, obyektivliyə və müraciətinin qısa müddətdə müsbət həll olunmasına görə DİN rəhbərliyinə minnətdarlığını ifadə edir.

Bir qrup vətəndaş DİN-ə ünvanladıqları təşəkkür məktublarında etdikləri müraciətlərinin müsbət həll olunmasına görə DİN rəhbərliyinə minnətdarlıqlarını bildirirlər.

Qazax rayon sakini İmamirə Novruzova DİN rəhbərliyinə ünvanladığı təşəkkür məktubunda ictimai qaydanın və təhlükəsizliyin təmin olunmasında xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Qazax RPŞ-nin əməkdaşlarına minnətdarlığını bildirir.