Babək rayon sakini Gültəkin Qocayeva məktubunda mənzilindən oğurluq edilməsi ilə bağlı Babək Rayon Polis İdarəsinə müraciət etdiyini, aparılan  obyektiv araşdırma və görülmüş tədbirlərlə müraciətinin müsbət həll edildiyini bildirir. 
G.Qocayeva vətəndaş müraciətlərinə həssaslıqla yanaşılmasına görə Azərbaycan Respublikası DİN-in və Naxçıvan MR DİN-in rəhbərliklərinə, müraciətinin müsbət həll olunmasında göstərilmiş köməklik üçün Babək Rayon Polis İdarəsinin əməkdaşlarına təşəkkürünü bildirir. 

Bakı şəhər sakini Emil Lətifov məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir.

Naxçıvan MR-in Babək rayon sakini Xeyrənsə Məmmədli müraciətinə həssas yanaşıldığına, yüksək peşəkarlıqla keçirilmiş operativ tədbirlərlə özünün və ailəsinin təhlükəsizliyinin təmin olunmasına görə DİN rəhbərliyinə və Babək Rayon Polis İdarəsinin əməkdaşlarına minnətdarlığını bildirir, Azərbaycan polisi ilə fəxr etdiyini qeyd edərək onlara çətin və şərəfli işlərində uğurlar arzulayır.

Vətəndaş Fazil İsmayılov müraciətinə dərhal reaksiya verildiyinə və həyata keçirilən operativ tədbirlərə görə Xətai RPİ-nin əməkdaşlarına təşəkkürünü bildirir. 

Bakı şəhər sakini Qasım Qasımzadə məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir.

Vətəndaş Xəyal Dadaşov Daxili İşlər Nazirliyinə ünvanladığı məktubunda gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.  

Bakı şəhər sakini Nərgiz Məmmədova müraciətinə həssas yanaşıldığına və göstərilən köməkliyə görə DİN rəhbərliyinə minnətdarlığını bildirir.

Vətəndaş Fərid Əliyev DİN-in “Instagram” səhifəsinə təşəkkür mesajı yazıb. O, üzləşdiyi dələduzluqla bağlı müraciəti üzrə aparılan obyektiv araşdırmalara görə Nərimanov Rayon Polis İdarəsinin əməkdaşlarına təşəkkürünü bildirir.

Binəqədi rayon sakini Hakim Babayev məktubunda üzləşdiyi problemlə bağlı müraciətinə operativ baxılmasına və göstərilən köməkliyə görə Binəqədi RPİ-nin 40-cı Polis Bölməsinin əməkdaşlarına təşəkkürünü bildirir.