Lənkəran rayon sakini Sucəddin Mirzəzadə DİN-ə yazdığı məktubunda müraciətinə həssaslıqla yanaşılaraq Baş Dövlət Yol Polisi İdarəsinin Lənkəran Regional Qeydiyyat-imtahan və Texniki Baxış Şöbəsinin rəhbərliyi tərəfindən ona lazımi köməyin göstərilməsinə, şəhid ailələri və müharibə iştirakçılarına göstərilən diqqətə və qayğıya görə DİN rəhbərliyinə təşəkkürünü bildirir.

Vətəndaş Şərif Babayev DİN-ə yazdığı məktubunda xidməti vəzifələrini və peşə fəaliyyətini layiqincə yerinə yetirən Lənkəran Şəhər Rayon Polis Şöbəsinin Dövlət Yol Polisi Bölməsinin əməkdaşlarına təşəkkürünü bildirir. 

Sosial şəbəkə istifadəçisi Elşən Şərafəddinzadə DİN-in “Instagram” səhifəsinə yazdığı mesajında onu narahat edən məsələ ilə bağlı Lənkəran Şəhər Rayon Polis Şöbəsinin rəisi tərəfindən qəbul edilməsinə və məsələnin müsbət həllini tapmasına görə təşəkkürünü bildirir. 

Sosial şəbəkə istifadəçisi Ruhiyyə Ağayeva DİN-in “Instagram” səhifəsinə yazdığı mesajında müraciətinə çevik reaksiya verilməsinə, həssaslıqla yanaşılmasına və vətəndaş məmnunluğunun təmin edilməsinə görə təşəkkürünü bildirir.

Vətəndaş Fidan Allahverdiyeva DİN-in “Instagram” səhifəsinə təşəkkür mesajı ünvanlayıb: “Yanlışlıqla başqa kart hesabına pul göndərmişdim. Bu səbəbdən Pirallahı Rayon Polis İdarəsinə müraciət etdim. Müraciətimə baxan polis əməkdaşı dərhal həmin şəxsi taparaq onunla əlaqə saxladı, o da sağ olsun, pulu təkrar mənim kart hesabıma göndərdi. Bu səbəbdən DİN-in və Pirallahı Rayon Polis  İdarəsinin rəhbərliyinə, həmçinin Pirallahı RPİ-nin əməkdaşlarına minnətdarlığımı bildirirəm”.

Vətəndaş Xatirə Musayeva DİN-in “Instagram” səhifəsinə təşəkkür mesajı ünvanlayıb: “Nəsimi Rayon Polis İdarəsinə üzləşdiyim dələduzluq hadisəsi ilə bağlı müraciət etmişdim. Müraciətimdən dərhal sonra Nəsimi Rayon Polis İdarəsinin İstintaq Şöbəsində cinayət işi başlanıldı. Dələduzluq əməlini törədən şəxs qısa müddətdə müəyyən edilərək saxlanıldı. Müstəntiqin peşəkar və operativ fəaliyyəti nəticəsində mənə dəymiş maddi ziyanın tam şəkildə ödənilməsi təmin olundu. Müraciətimə göstərilən operativ və obyektiv yanaşmaya görə DİN-in və Nəsimi Rayon Polis İdarəsinin rəhbərliyinə, bu işdə əməyi olan polis əməkdaşlarına dərin təşəkkürümü və minnətdarlığımı bildirirəm. Əziyyətinizə, peşəkarlığınıza və vətəndaş müraciətlərinə həssas yanaşmanıza görə Sizə təşəkkür edir, fəaliyyətinizdə uğurlar arzulayıram”. 

Vətəndaş Kamal Həsənov DİN-in “Instagram” səhifəsinə təşəkkür mesajı ünvanlayıb: “04.07.2026-cı il tarixində paytaxtın Nərimanov rayonu, Fətəli Xan Xoyski küçəsində baş vermiş yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmada iştirak etdim. Aparılmış araşdırmadan razı qaldım. Buna görə də DİN-in rəhbərliyinə və polis əməkdaşlarına göstərdikləri peşəkar və obyektiv fəaliyyətə görə minnətdarlığımı bildirirəm”.

Vətəndaş Manaf Ağayev DİN-in “Instagram” səhifəsinə təşəkkür mesajı ünvanlayıb: “Şikayətlə əlaqədar Nərimanov Rayon Polis İdarəsinə dəvət edilmişdim. Aparılan araşdırmadan çox razı qaldım. Göstərilən diqqətə görə DİN-in və Nərimanov Rayon Polis İdarəsinin rəhbərliyinə, həmçinin Nərimanov RPİ-nin kollektivinə dərin minnətdarlığımı bildirirəm. Allah Azərbaycan Polisini qorusun”.

Vətəndaş İldırım Qurbanov DİN-in “Facebook” səhifəsinə ünvanladığı mesajında müraciətinə operativ şəkildə baxılaraq müsbət həll edildiyinə görə DİN-in rəhbərliyinə təşəkkürünü bildirir.