Vətəndaş Elxan Əhmədov Daxili İşlər Nazirliyinin sosial şəbəkə səhifəsinə yazdığı mesajında cinayətkarlıqla qətiyyətli mübarizə aparan, ictimai asayişi ayıq-sayıq qoruyan, obyektiv və operativ olan, vətəndaş müraciətlərinə həssaslıqla yanaşan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.  

Vətəndaş Asif Piriyev məktubunda üzləşdiyi problemlə bağlı Daxili İşlər Nazirliyinə ünvanladığı müraciəti üzrə Quba Rayon Polis Şöbəsində qəbul edildiyini və obyektiv araşdırma aparılaraq qısa müddətdə müraciətinin müsbət həll olunduğunu qeyd edir. 
O, vətəndaş müraciətlərinə həssas yanaşılmasına görə DİN rəhbərliyinə, göstərilmiş köməkliyə görə Quba Rayon Polis Şöbəsinin əməkdaşlarına təşəkkür edir.

Vətəndaş Zeynalabdin Şixiyev DİN-in “Facebook” sosial şəbəkə səhifəsinə yazdığı mesajında üzləşdiyi problemlə bağlı müraciəti üzrə Sumqayıt Şəhər Polis İdarəsində aparılan obyektiv araşdırmanın nəticəsindən razı olduğunu bildirir. O, polisin vətəndaşların güvən yeri olduğunu qeyd edərək vətəndaş müraciətlərinə həssas yanaşılmasına görə DİN rəhbərliyinə və Azərbaycan polisinə təşəkkür edir.

Vətəndaş Qasım Şəkərəliyev DİN-in “Instagram” səhifəsinə yazdığı mesajında üzləşdiyi dələduzluqla bağlı müraciəti üzrə Nərimanov Rayon Polis İdarəsində aparılan obyektiv araşdırmanın nəticəsindən razı olduğunu qeyd edir. O, vətəndaş müraciətlərinə həssas yanaşılmasına görə DİN rəhbərliyinə, obyektivliyə və göstərilən köməkliyə görə Nərimanov RPİ-nin əməkdaşlarına təşəkkür edir.

Vətəndaş Emin Səmədzadə məktubunda üzləşdiyi problemlə bağlı müraciəti ilə əlaqədar Qaradağ Rayon Polis İdarəsində obyektiv araşdırma aparıldığını və müvafiq tədbirlərin həyata keçirildiyini bildirərək vətəndaş müraciətlərinə həssas yanaşılmasına görə DİN rəhbərliyinə təşəkkür edir.

Vətəndaş Aynur Abbasova DİN-in “Instagram” səhifəsinə yazdığı mesajında Nərimanov rayonu ərazisində övladının iştirakçısı olduğu yol-nəqliyyat hadisəsi ilə bağlı Nərimanov Rayon Polis İdarəsinə etdiyi müraciətinə operativ baxıldığını və müvafiq tədbirin görüldüyünü bildirir. O, vətəndaş müraciətlərinə həssas yanaşılmasına görə DİN rəhbərliyinə, operativliyə və göstərilmiş köməkliyə görə Nərimanov RPİ-nin əməkdaşlarına təşəkkür edir.

Pirallahı rayon sakini Mirağa Məmmədov DİN-in “Instagram” səhifəsinə yazdığı mesajında yaşadığı rayon ərazisində üzləşdiyi neqativ hal ilə bağlı polisə müraciət etdiyini, Pirallahı Rayon Polis İdarəsinin əməkdaşları tərəfindən operativ tədbirlərlə problemin qısa müddətdə həll olunduğunu bildirir. O, operativliyə və həyata keçirilmiş tədbirlərə görə Pirallahı RPİ-nin əməkdaşlarına təşəkkür edir.

Vətəndaş Əbülfəz Məmmədov məktubunda üzləşdiyi problemlə əlaqədar müraciəti üzrə Şahbuz Rayon Polis Şöbəsində obyektiv araşdırma aparıldığını və müraciətinin qısa müddətdə müsbət həll olunduğunu bildirir. O, vətəndaş müraciətlərinə həssas yanaşılmasına görə DİN rəhbərliyinə, göstərilən köməkliyə görə Şahbuz RPŞ-nin əməkdaşlarına təşəkkür edir.

Vətəndaş Arzu Rzayev məktubunda üzləşdiyi problemlə bağlı Şahbuz Rayon Polis Şöbəsinə etdiyi müraciətinə operativ baxıldığını, obyektiv araşdırıldığını və müsbət həll olunduğunu bildirir.
O, vətəndaş müraciətlərinə həssas yanaşılmasına və vətəndaş məmnunluğu üçün yaradılan şəraitə görə Azərbaycan Respublikasının və Naxçıvan Muxtar Respublikasının Daxili İşlər nazirliklərinin rəhbərliklərinə təşəkkürünü bildirir.