Şəhid anası Musayeva Elnarə Fərman qızı şəhid oğlu Səhman Musayevin arzusunun yerinə yetirilməsində köməklik göstərdiklərinə görə Şuşa və Xocavənd Rayon Polis Şöbələrinin əməkdaşlarına minnətdarlığını bildirir. 

Sosial şəbəkə istifadəçisi Məmmədzadə Nuray Əsəd qızı müraciətinin həllində ona göstərilən köməyə görə DİN rəhbərliyinə və  Abşeron Polis İdarəsinin əməkdaşlarına minnətdarlığını bildirir. 

Qazax rayon Əlillər Cəmiyyətinin sədri Hətəmov Rafiq Akif oğlu müraciətinin Qazax Rayon Polis Şöbəsi əməkdaşları tərəfindən tez və operativ  həll olunduğunu bildirərək Azərbaycan Polisinə təşəkkürünü bildirir.

Sosial şəbəkə istifadəçisi Səfərova Sevinc Zülfü qızı məktubunda hədələnməsi barədə müraciətindən sonra qarşı tərəfin 22-ci Polis Şöbəsinə dəvət olunaraq barəsində qanuni tədbir görüldüyü üçün DİN rəhbərliyinə və  22-ci Polis Şöbəsinin əməkdaşlarına minnətdarlığını bildirir. 

Vətəndaş İbrahimov Aqil müraciətinin operativ həll olunduğuna görə DİN rəhbərliyinə minnətdarlığını bildirir. 

Sosial şəbəkə istifadəçisi Natiq Nağıyev turistlərin çox olduğu yerlərdə təhlükəsizliyin, asayişin etibarlı qorunmasından, eləcə də avtomobil yollarında sıxlığın yaranmaması məqsədilə polisin əməkdaşlarının fədakar xidmət aparmasından yazır. Buna görə Azərbaycan Polisinə minnətdarlığını bildirir. 

Vətəndaş Vüqar Kərimli ictimai asayişin və təhlükəsizliyin təmin olunmasında, hüquqazidd əməllərin qarşısının alınmasında, vətəndaşların qanuni mənafelərinin, eləcə də hüquq və azadlıqlarının etibarlı qorunmasında xidməti vəzifə borclarını layiqincə yerinə yetirdiklərinə görə Azərbaycan Polisinə təşəkkürünü ifadə edib. 

Sosial şəbəkə istifadəçisi Aytac İsmayılova pozulmuş hüquqlarının bərpa olunmasında göstərdikləri köməkliyə görə Azərbaycan Polisinə minnətdarlığını yazır. 

Müğənni Nura Suri şəxsi “Facebook” səhifəsində paylaşdığı postda sosial şəbəkədə onu təhqir edən şəxs barəsində Daxili İşlər Nazirliyinə müraciət etdiyini, qısa zaman kəsiyində Bakı şəhər BPİ-nin əməkdaşları tərəfindən həmin şəxsin tapılaraq qanunamüvafiq formada məsuliyyətə cəlb olunduğunu qeyd edib. Bununla əlaqədar asayiş keşikçilərinə təşəkkürünü bildirir.