Vətəndaş Elimxan Gülməmmədov müraciətinə operativ baxılaraq obyektiv araşdırma aparılmasına və probleminin müsbət həllini tapmasında ona göstərilən köməkliyə görə Azərbaycan Polisinə təşəkkürünü bildirir. 

Bakı şəhər sakini Aygün Əmiraslanova məktubunda “Pekines” cinsli itinin oğurlanması barədə polisə müraciət etdiyini yazır. O, Suraxanı RPİ 31-ci Polis Bölməsi əməkdaşlarının operativ tədbirləri sayəsində itin qısa müddətdə tapılaraq ona təhvil verildiyini qeyd edərək həmin polis bölməsinin əməkdaşlarına təşəkkürünü bildirir.

Bakı şəhər sakini Anar Sadıqov məktubunda müraciəti ilə əlaqədar Yasamal Rayon Polis İdarəsində obyektiv araşdırma aparıldığını və qısa müddətdə müsbət həll olunduğunu qeyd edir. O, müraciətinə həssa yanaşılmasına, obyektivliyə, operativliyə və dəymiş maddi ziyanın ödətdirilməsində göstərilən köməkliyə görə DİN rəhbərliyinə və  Yasamal Rayon Polis İdarəsinin əməkdaşlarına təşəkkürünü bildirir. 

Sosial şəbəkə istifadəçiləri Məhəmməd Muradov, Arzu İbrahimova və Aysel Məmmədova müraciətlərinə operativ baxılaraq, obyektiv araşdırma aparılmasına və səmimi qəbula görə Nərimanov Rayon Polis İdarəsinin əməkdaşlarına təşəkkürlərini bildirirlər. Onlar, Azərbaycan Polisinin gərgin və fədakar xidməti fəaliyyətini yüksək dəyərləndirir və uğurlar diləyirlər.

Sosial şəbəkə istifadəçiləri Nuridə Əliyeva, Manaf Almuradov və Elvin Rəfiyev müraciətlərinə operativ baxılaraq, obyektiv araşdırma aparılmasına və səmimi qəbula görə Nərimanov Rayon Polis İdarəsinin əməkdaşlarına təşəkkürlərini bildirirlər.

Bakı şəhər sakini Fəxrəddin Dadaşov övladının üzləşdiyi dələduzluq faktı ilə bağlı Daxili İşlər Nazirliyinə etdiyi müraciətinə operativ reaksiya verildiyini qeyd edir. O operativliyə, göstərilən diqqətə, obyektivliyə, dəymiş maddi ziyanın ödətdirilməsində göstərilən köməkliyə və müraciətinin müsbət həll olunmasına görə DİN rəhbərliyinə təşəkkürünü bildirir.    

Sosial şəbəkə istifadəçisi Həsən Həsənov DİN-in “Instagram” səhifəsinə minnətdarlıq məktubu yazaraq baş vermiş yol-nəqliyyat hadisəsi ilə bağlı aparılan araşdırma zamanı ona göstərilən səmimi və xoş münasibətə görə DİN rəhbərliyinə və Nərimanov Rayon Polis İdarəsinin əməkdaşlarına təşəkkürünü bildirir. 

Sosial şəbəkə istifadəçisi Aysel Aydın DİN-in “Facebook” səhifəsinə təşəkkür məktubu yazaraq fədakar xidmətlərinə görə Azərbaycan Polisinə minnətdarlığını bildirir. 

Sosial şəbəkə istifadəçisi Aynur Bağırova DİN-in “Instagram” səhifəsinə minnətdarlıq məktubu yazaraq baş vermiş yol-nəqliyyat hadisəsi ilə bağlı Nəsimi RPİ-yə müraciət etdiyini, aparılan araşdırma zamanı ona və avtomobilinə dəyən ziyanın ödənildiyini qeyd etmiş, yüksək peşəkarlığa və xoş münasibətə görə DİN rəhbərliyinə və Nəsimi Rayon Polis İdarəsinin əməkdaşlarına təşəkkürünü bildirir.