Sosial şəbəkə istifadəçisi Elena Vyalkova DİN-in “Facebook” səhifəsinə təşəkkür məktubu yazaraq üzləşdiyi dələduzluq hadisəsi barədə Nərimanov RPİ 17-ci Polis Şöbəsinə etdiyi müraciətin nəzarətə götürüldüyünü, qısa müddətdə ona qarşı dələduzluq edən şəxsin müəyyən edilərək dəymiş maddi ziyanın tam ödənildiyini qeyd edərək DİN rəhbərliyinə və Azərbaycan Polisinə minnətdarlığını bildirir.

Sosial şəbəkə istifadəçisi Namiq Abbasov DİN-in “Instagram” səhifəsinə minnətdarlıq məktubu yazaraq baş verimiş yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsinə müraciət etdiyini, aparılan araşdırmalardan razı qaldığını qeyd edərək Nərimanov RPİ-nin əməkdaşlarına və Azərbaycan Polisinə təşəkkürünü bildirir. 

Vətəndaş Rəhbər Hüseynov DİN-in “Instagram” səhifəsinə minnətdarlıq məktubu yazaraq müraciətinin müsbət həll olunduğuna görə Pirallahı Rayon Polis İdarəsinin əməkdaşlarına təşəkkürünü bildirir. 

Masallı rayon sakini Elvin İsgəndərov DİN rəhbərliyinə təşəkkür məktubu yazaraq Masallı Rayon Polis İdarəsinə etdiyi müraciətin nəzarətə gtürüldüyünü, onu narahat edən məsələnin müsbət həll olunduğunu qeyd edərək DİN rəhbərliyinə və Azərbaycan Polisinə minnətdarlığını bildirir. 

Bakı şəhər sakini İsa Qəhrəmanov teleqramında müraciətinə operativ baxıldığını, obyektiv araşdırma aparılaraq müvafiq tədbirlərin görüldüyünü qeyd edir. O, müraciətinə diqqətlə yanaşılmasına və müsbət həll olunmasına görə DİN rəhbərliyinə minnətdarlığını bildirir.

Vətəndaş Alsu Nuruyeva məktubunda gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.  

Bakı şəhər sakini Daşqın Zeynalov DİN-in “Instagram” səhifəsinə təşəkkür mesajı yazıb. O, baş vermiş yol-nəqliyyat hadisəsi ilə bağlı müraciətinin obyektiv araşdırma aparılaraq qısa müddətdə müsbət həll olunduğuna və dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir.

Naxçıvan şəhər sakini Azər Mustafayev Daxili İşlər Nazirliyinə ünvanladığı məktubunda daxili işlər orqanlarında əməkdaşlara göstərilən diqqət və qayğının, etimadın təqdirəlayiq olduğunu qeyd edərək DİN rəhbərliyinə təşəkkürünü bildirir.

Bakı şəhər sakini Fikrət Zeynalov Daxili İşlər Nazirliyinə ünvanladığı məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir.