Vətəndaş Aykan Fətullayev baş vermiş yol-nəqliyyat hadisəsi zamanı göstərdikləri köməkliyə görə Nərimanov Rayon Polis İdarəsinin əməkdaşlarına təşəkkürünü bildirir. 

Vətəndaş İlkin Bağırov Azərbaycan Polisinin gərgin və fədakar xidməti fəaliyyətini yüksək dəyərləndirir.

Vətəndaş Şamay Nuriyeva dələduzluğa məruz qalmasıi ilə bağlı şikayətinə operativ baxılaraq ona dəyən ziyanın ödətdirilməsində göstərdikləri köməkliyə görə Nərimanov Rayon Polis İdarəsinin əməkdaşlarına təşəkkürünü bildirir. O, Azərbaycan Polisinin peşəkar xidmətindən qürur duyduğunu yazır.

Vətəndaş Ceyhun Orucov onu narahat edən məsələ ilə müraciətinə operativ baxılaraq həllini tapmasında göstərdikləri köməkliyə görə Xətai Rayon Polis İdarəsinin əməkdaşlarına təşəkkürünü bildirir.

Vətəndaş Vüsal Musayev üzləşdiyi problemlə bağlı müraciətinə operativ baxılaraq həllini tapmasında göstərdikləri köməkliyə görə Baş Dövlət Yol Polisi İdarəsinin əməkdaşlarına təşəkkürünü bildirir.

Lənkəran rayon sakini Günel Mirzəyeva Daxili İşlər Nazirliyinə təşəkkür məktubu ünvanlayıb: “Mərhum ərimin yol-nəqliyyat hadisəsi nəticəsində vəfat etməsi ilə bağlı sığorta ödənişinin alınması üçün etdiyim müraciətə Daxili İşlər Nazirliyi tərəfindən dərhal reaksiya verilərək müsbət həllini tapmışdır. Bununla bağlı Azərbaycan polisinə dərin təşəkkürümü bildirirəm”.

Müğənni Nura Suri qonaq olduğu “Xəzər axşamı” proqramında Daxili İşlər Nazirliyinə və Bakı Şəhər Baş Polis İdarəsinə minnətdarlığını bildirib. O, sosial şəbəkələrdə onu təhqir edən şəxslərlə bağlı polisə müraciətlər etdiyini qeyd edərək, müraciətlərinin obyektiv və operativ araşdırıldığını, həmin şəxslər barəsində qanunamüvafiq tədbirlərin görüldüyünü bildirib.

Quba rayon sakini Sərdar Nühbalayev məktubunda müraciəti ilə bağlı Quba RPŞ-nin Dövlət Yol Polisi Bölməsində araşdırma aparıldığını və qısa müddətdə müraciətinin müsbət həll olunduğunu yazır. O, vətəndaş müraciətinə həssas yanaşılmasına, göstərilən diqqətə və aparılan obyektiv araşdırmaya görə DİN rəhbərliyinə və Quba RPŞ-nin Dövlət Yol Polisi Bölməsinin əməkdaşlarına təşəkkürünü bildirir. 

Tərtər rayon sakini Əli Vəliyev məktubunda gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan, vətəndaş məmnunluğu üçün müraciətlərə həssaslıqla yanaşan, xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.