Bakı şəhər sakini Siruz Manafov gecə saatlarında avtomobilində yaranmış nasazlıq səbəbindən ailəsi ilə birlikdə yolda köməksiz və çarəsiz vəziyyətdə qaldığını, həmin ərazidə xidmət aparan yol patrul xidmətinin əməkdaşlarının ona yaxınlaşaraq köməklik göstərdiyini yazır. Buna görə Xəzər RPİ Dövlət Yol Polisi Şöbəsinin əməkdaşlarına minnətdarlığını bildirir. 

Sosial şəbəki istifadəçisi Aytən Qasımova tanışı tərəfindən narahat edilməsi ilə bağlı etdiyi müraciətə operativ reaksiya verilərək qısa zaman kəsiyində aradan qaldırılmasında göstərdikləri köməkliyə görə Suraxanı RPİ 30-cu Polis Bölməsinin rəhbərliyinə və əməkdaşlarına təşəkkürünü ifadə edir. 

Sosial şəbəkə istifadəçisi Leyla Salmanzadə üzləşdiyi dələduzluqla bağlı etdiyi müraciətə operativ reaksiya verilərək qısa zaman kəsiyində həll olunmasında, eləcə də dəymiş maddi ziyanın ödətdirilməsində ona göstərdikləri köməkliyə görə Bakı Şəhər Baş Polis İdarəsinin əməkdaşlarına minnətdarlığını yazır. 

Vətəndaş Ülkər Novruzova taksi şirkətlərinin birində fəaliyyət göstərən sürücü tərəfindən təhqirə məruz qalması barədə polisə müraciət etdiyini, həmin şəxsin qısa müddət ərzində müəyyənləşdirilərək qanun çərçivəsində məsuliyyətə cəlb olunduğunu yazır. Hüquqlarının müdafiəsində, eləcə də qorunmasında göstərdikləri köməkliyə görə Nərimanov RPİ 16-cı Polis Bölməsinin əməkdaşlarına təşəkkürünü bildirir. 

Vətəndaş Azad Əliyev günün 24 saatı gərgin xidmət aparan, yollarda təhlükəsizliyin təmin olunmasında fədakarlıq göstərən Baş Dövlət Yol Polisi İdarəsinin əməkdaşlarının xidməti fəaliyyətini təqdir edir. O, başda DİN rəhbərliyi olmaqla Pirallahı Rayon Polis İdarəsinin əməkdaşlarına təşəkkürünü bildirir.

Şəhid övladı olan  Mirsadiq Həsənov baş vermiş yol-nəqliyyat hadisəsi ilə bağlı müraciətinə operativ baxılmasına, obyektiv araşdırma aparılmasına, səmimi qəbula, diqqət və qayğıya görə DİN rəhbərliyi başda olmaqla Nərimanov Rayon Polis İdarəsinin əməkdaşlarına təşəkkürünü bildirir. 

Abşeron rayon sakini Vüsalə Əhmədova DİN-in “Instagram” səhifəsinə təşəkkür mesajı yazıb. O, üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir.

Bakı şəhər sakini Nərmin Agçay DİN-in “Instagram” səhifəsinə təşəkkür mesajı yazıb. O, üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Xəzər RPİ 3-cü Polis Şöbəsinin əməkdaşlarına minnətdarlığını bildirir.

Goranboy rayon sakini Zöhrab Hüseynov müraciətinə operativ baxılaraq obyektiv araşdırılmasına və onu narahat edən məsələnin həllini tapmasında göstərdikləri köməkliyə görə Xocalı Rayon Polis Şöbəsinin əməkdaşlarına təşəkkürünü bildirir.