Siyəzən rayon sakini  Elvin Ağayev etdiyi müraciətinə həssaslıqla yanaşılıb şikayətinin təmin edilməsinə görə DİN rəhbərliyinə minnətdarlığını bildirir.

Quba rayon sakini Aylin Novruzova Azərbaycanın Qarabağ bölgəsində keçirilən lokal xarakterli antiterror əməliyyatlarında Azərbaycan Polisinin göstərdiyi şücaətə görə  DİN rəhbərliyinə minnətdarlığını bildirir.

“BATV” media qurumu facebook sosial şəbəkəsində post paylaşaraq Xaçmaz rayonunun Xudat qəsəbəsi ərazisində ictimai asayişin və ictimai təhlükəsizliyin təmin olunmasına görə DİN rəhbərliyinə və xidməti vəzifələrini layiqincə yerinə yetirən Xaçmaz RPŞ-nin Xudat PB-nin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Abşeron rayon sakini Rəşad Mehdiyev Azərbaycan polisinə təşəkkür məktubu ünvanlayıb: “Bir müddət öncə mənə məxsus kart hesabımdan 6000 manat vəsait oğurlanmışdı. Bu hal məni çox məyus etmişdi. Çünki həmin vəsaiti övladımın təhsil haqqı olaraq toplamışdım. Bu barədə dərhal polisə müraciət etdim. Şikayətim dərhal qeydiyyata alınaraq mənimlə ən qısa zamanda əlaqə saxlanıldı və idarəyə dəvət edildim. İzahatım alındıqdan sonra operativ araşdırmalarla vəsaitimin son alıcısı müəyyən edildi və ən qısa zamanda həmin vəsaitin tam olaraq mənə geri qaytarılması təmin edildi. Bununla əlaqədar vətəndaşlıq borcumu yerinə yetirib şikayətimin araşdırılmasına və pul vəsaitimin geri qaytarılmasına həssaslıq, peşəkarlıq göstərən polis əməkdaşlarına təşəkkürümü bildirirəm, qanunun və qanunçuluğun keşiyində duran Azərbaycan polisinə uğurlar arzu edirəm”.

Abşeron rayon sakini Aytən Qarazadə üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir.

Bakı şəhər sakini Ənvər İsrafilov DİN rəhbərliyinə ünvanladığı təşəkkür məktubunda asayişin qorunmasına, təhlükəsizliyin təmin olunmasına və xidməti vəzifələrini layiqincə yerinə yetirdiklərinə görə Binəqədi RPİ-nin 43-cü Polis Bölməsinin əməkdaşlarına təşəkkür edir.

Bakı şəhər sakini Ceyhun Məmmədov DİN rəhbərliyinə ünvanladığı təşəkkür məktubunda etdiyi müraciətə həssas yanaşılmasına və probleminin tez bir zamanda aradan qaldırılmasında göstərilən köməkliyə görə Yasamal  RPİ-nin 26-cı Polis Bölməsinin əməkdaşlarına təşəkkür edir.

Sosial şəbəkə izləyicisi Amil Səmədli DİN rəhbərliyinə ünvanladığı təşəkkür məktubunda baş vermiş yol-nəqliyyat hadisəsilə əlaqədar etdiyi müraciətə operativ baxılmasına, göstərilən köməkliyə və səmimi qəbula görə Nərimanov Rayon Polis İdarəsinin rəhbərliyinə minnətdarlığını bildirir.  

Bir qrup Sabirabad rayon sakini DİN-ə ünvanladıqları təşəkkür məktubunda xidməti vəzifələrini və peşə fəaliyyətini layiqincə yerinə yetirdiklərinə, eləcə də şəhər ərazisində narkotik vasitələrin və psixotrop maddələrin qanunsuz dövriyyəsinə qarşı aparılan mübarizə tədbirlərinə görə başda DİN rəhbərliyi olmaqla, Sabirabad RPŞ-nin rəhbərliyinə və əməkdaşlarına minnətdarlıqlarını bildirirlər.