Bakı şəhər sakini Zeynəb Həsənova DİN-ə ünvanladığı təşəkkür məktubu məktubunda övladının polisin sıralarına qəbul olunması üçün etdiyi müraciətə obyektiv baxılmasına və müsbət nəticəyə görə DİN rəhbərliyinə minnətdarlığını ifadə edir, Azərbaycan Polisinə xidməti fəaliyyətində uğurlar arzulayır. 

Bakı şəhər sakini Nailə Musayeva DİN-ə ünvanladığı təşəkkür məktubunda üzləşdiyi dələduzluq faktıyla əlaqədar etdiyi müraciətə obyektiv baxılmasına və ona dəymiş ziyanın tam ödətdirilməsində göstərilən köməkliyə görə Bakı Şəhər Baş Polis İdarəsinin şəxsi heyətinə təşəkkürünü bildirir.

Bakı şəhər sakini Sevil Allahverdiyeva DİN-ə ünvanladığı təşəkkür məktubunda üzləşdiyi dələduzluq faktıyla əlaqədar etdiyi müraciətə obyektiv baxılmasına və ona dəymiş ziyanın tam ödətdirilməsində göstərilən köməkliyə görə Nəsimi Rayon Polis İdarəsinin şəxsi heyətinə minnətdarlığını ifadə edir.

Bakı şəhər sakini Sevil Allahverdiyevan DİN-ə ünvanladığı təşəkkür məktubunda  yazır ki: “Problemimlə bağlı Əmlak Məsələləri üzrə Dövlət Xidməti, Daşınmaz Əmlakın Dövlət Kadastrı və Reyestri Publik Hüquqi Şəxsin inzibati binasına gəlmişdim. Vəziyyətim anidən pisləşdi. Orada xidmətdə olan Nuru adlı polis əməkdaşı mənə köməklik göstərdi. Orada olduğum vaxt onun vətəndaşlarla səmimi münasibəti gözümdən yayınmamışdı. Polisin sıralarında belə əməkdaşların olması qürurvericidir. Mənə göstərilən diqqət və köməkliyə görə minnətdaram”.

Sosial şəbəkə istifadəçisi Bahar Hacıyeva DİN-ə ünvanladığı təşəkkür məktubunda etdiyi müraciətə operativ baxılmasına və müraciətinin müsbət həll olunmasına görə Bakı şəhər Baş Polis İdarəsinin şəxsi heyətinə minnətdarlığını bildirir.

Bakı şəhər sakini Pərvin Abbasov DİN-ə ünvanladığı təşəkkür məktubunda xidməti vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə peşəkarlıq nümayiş etdirdiklərinə görə Azərbaycan Polisinə minnətdarlığını bildirir və bu peşə sahiblərilə qürur duyduğunu bildirir.

Sosial şəbəkə istifadəçisi Onur İskəndərov DİN-ə ünvanladığı təşəkkür məktubunda içərisində şəxsi əşyalarının olduğu çantasının taksidə unutduğu barədə etdiyi müraciətə həssas yanaşılmasına və tez bir zamanda çantasının tapılaraq qaytarılmasında göstərilən köməkliyə görə Nərimanov RPİ-nin 16-cı Polis Bölməsinin şəxsi heyətinə təşəkkürünü bildirir.

Bakı şəhər sakini Sahilə Abbasova DİN-ə ünvanladığı təşəkkür məktubunda etdiyi müraciətə çevik reaksiya verilməsinə və probleminin tez bir zamanda aradan qaldırılmasında göstərilən köməkliyə görə Sabunçu Rayon Polis İdarəsinin  şəxsi heyətinə təşəkkürünü bildirir.

Bakı şəhər sakini Zeynəb Həsənova DİN-in “Instagram” səhifəsinə yazdığı mesajında oğlunun daxili işlər orqanlarında xidmətə qəbul edildiyini yazır. O, polis orqanlarında işləmək arzusunda olan gənclərin xidmətə qəbulu zamanı bütün proseslərin şəffaflıq və aşkarlıq prinsipləri əsasında reallaşdığının şahid olduğunu qeyd edərək yaradılan bu şəraitə görə DİN rəhbərliyinə təşəkkürünü bildirir.