Vətəndaş Umcahan Əsgərova məktubunda valideyninin Azərbaycan Respublikasının daxili işlər naziri tərəfindən keçirilən vətəndaş qəbulunda iştirak etdiyini, müraciəti üzrə müvafiq tapşırıqlar verildiyini yazır. O, Sumqayıt Şəhər Polis İdarəsində aparılan obyektiv araşdırma nəticəsində valideyninin müraciətinin müsbət həll olunduğunu qeyd edir, göstərilən diqqətə və obyektiv araşdırmalara görə DİN rəhbərliyinə və Sumqayıt ŞPİ-nin əməkdaşlarına minnətdarlığını bildirir.  

Vətəndaş Altun Qəmbərli DİN-in “Instagram” səhifəsinə yazdığı mesajında yaşadığı ərazidə pulqabısının itməsi ilə bağlı Xətai Rayon Polis İdarəsinin 37-ci Polis Şöbəsinə etdiyi müraciətinə operativ baxıldığını və müvafiq tədbirlərlə pulqabısının tapılaraq ona təhvil verildiyini bildirir. O, operativliyə və həyata keçirilmiş tədbirlərə görə Xətai RPİ-nin əməkdaşlarına təşəkkür edir. 

Vətəndaş Elza Bahar Novruzi DİN-in “Instagram” səhifəsinə yazdığı mesajında mobil telefonunun itməsi ilə bağlı Xətai Rayon Polis İdarəsinin 37-ci Polis Şöbəsinə etdiyi müraciətinə operativ baxıldığını və müvafiq tədbirlərlə müsbət həll olunduğunu bildirir. O, operativliyə və həyata keçirilmiş tədbirlərə görə Xətai RPİ-nin əməkdaşlarına təşəkkür edir. 

Neftçala rayon sakini Mətanət Əhmədova və qızı Fəridə Əhmədova xidməti vəzifələrini və peşə fəaliyyətlərini layiqincə yerinə yetirdiklərinə görə DİN rəhbərliyinə minnətdarlıqlarını bildirirlər.

Astara rayon sakini Elvin Nəsirov öz məktubunda çətinliklə üzləşən vətəndaşlara operativ qaydada göstərilən köməyə, humanistliyə, cinayətkarlığa, o cümlədən narkotik vasitələrin qanunsuz dövriyyəsinə qarşı aparılan qətiyyətli mübarizə tədbirlərinə görə rayon polis şöbəsinin rəhbərliyinə təşəkkürünü bildirir.

Lənkəran rayon sakini Diyaşar Sadıqov öz məktubunda xidməti vəzifələrini layiqincə və peşəkarlıqla yerinə yetirdiklərinə görə Lənkəran Şəhər Rayon Polis Şöbəsinin əməkdaşlarına təşəkkürünü ifadə edir.

Biləsuvar rayon sakini Pünhan Abbasov müraciətlə bağlı rayon polis şöbəsinin rəhbərliyi tərəfindən qəbul edilərək dinlənilməsinə və üzləşdiyi problemlə əlaqədar ona lazımi köməyin göstərilməsinə görə təşəkkürünü bildirir.

Astara rayon sakini Təbriz Baxşiyev öz məktubunda narkotiklərin qanunsuz dövriyyəsinə qarşı aparılan qətiyyətli mübarizəyə və keçirilən uğurlu əməliyyat tədbirlərinə, peşəkarlığa, xidməti vəzifələrinin və peşə fəaliyyətinin öhdəsindən layiqincə gəldiklərinə görə rayon polis şöbəsinin rəhbərliyinə təşəkkürünü bildirir.

Cəlilabad rayon sakini Emil Heydərov müraciət ilə əlaqədar rayon polis şöbəsinin rəhbərliyi tərəfindən qəbul edilərək dinlənilməsinə və vətəndaş məmnunluğunun təmin olunmasına görə öz təşəkkürünü bildirir.