Jurnalist Xəyal Süleymanov DİN-in “Facebook” səhifəsinə təşəkkür mesajı yazıb. O, müraciəti ilə bağlı Bakı Şəhər Baş Polis İdarəsində müvafiq araşdırma aparılaraq qısa müddətdə müsbət həll olunduğunu qeyd edir. 
X.Süleymanov müraciətinə operativ baxılmasına, aparılan obyektiv araşdırmalara və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Bakı Şəhər Baş Polis İdarəsinin əməkdaşlarına minnətdarlığını bildirir.

Masallı rayon sakini Tofiq Şahmarov bölgələrdə keçirilən vətəndaş qəbullarına, müraciətlərin elə yerindəcə dinlənilməsinə və lazımi köməkliyin göstərilməsinə görə DİN rəhbərliyinə öz təşəkkürünü bildirir, vətəndaş məmnunluğunun təmin olunmasına görə minnətdarlığını ifadə edir.

Lənkəran rayon sakini Çingiz Ağayev öz təşəkkür məktubunda müraciətinə çevik reaksiya verilməsinə və məsələnin müsbət həllini tapmasına görə DİN rəhbərliyinə minnətdarlığını bildirir.

Lənkəran rayon sakini Zamin Abbasov DİN rəhbərliyinə ünvanladığı təşəkkür məktubunda rayonun bir neçə kəndinin sakinlərinə məxsus iribuynuzlu heyvanları oğurlayan şəxslərin tutularaq məsuliyyətə cəlb olunmasına görə Lənkəran ŞRPŞ-nin əməkdaşlarına minnətdarlığını bildirir.

Lənkəran rayon sakini İslam Fərzəliyev Masallı rayonunda keçirilən vətəndaş qəbulu zamanı müraciətinə həssaslıqla yanaşılmasına, ona lazımi köməkliyin göstərilməsinə və məsələnin müsbət həllini tapmasına görə DİN rəhbərliyinə minnətdarlığını bildirir.

Lerik rayon sakini Habil Nuriyev DİN rəhbərliyinə ünvanladığı təşəkkür məktubunda rayon ərazisində ictimai qaydanın və asayişin etibarlı şəkildə təmin olunmasına görə Lerik RPŞ-nin rəhbərliyinə və bütün əməkdaşlarına minnətdarlığını bildirir.

Masallı rayon sakini Saleh Əsədov şəhid ailələrinə göstərilən yüksək ehtirama, onlara olunan dəstəyə görə Rayon Polis Şöbəsinin rəhbərliyinə və əməkdaşlara öz təşəkkürünü bildirir.

Jurnalist Fərid İsmayılov “Facebook” sosial şəbəkəsindəki hesabında Azərbaycan polisinə təşəkkür postu paylaşıb. O, müraciətinə dərhal reaksiya verildiyinə və həyata keçirilən tədbirlərə görə Mətbuat Xidmətinin əməkdaşlarına minnətdarlığını bildirir.

Bakı şəhər sakini Günay Yadigarova Daxili İşlər Nazirliyinə ünvanladığı məktubunda müraciətinin obyektiv araşdırılaraq müsbət həll edildiyinə görə DİN rəhbərliyinə və Nərimanov Rayon Polis İdarəsinin əməkdaşlarına təşəkkürünü bildirir.