Vətəndaş Rəna Manafova müraciətinə həssas yanaşıldığına və göstərilən köməkliyə görə DİN rəhbərliyinə və Xətai Rayon Polis İdarəsinin əməkdaşlarına minnətdarlığını bildirir.

Bərdə rayon sakini Rasim Məmmədov peşə fəaliyyətini və xidməti vəzifələrini layiqincə yerinə yetirdiyinə görə Bərdə Rayon Polis Şöbəsinin əməkdaşlarına və DİN rəhbərliyinə minnətdarlıq edir.

Ağdam rayon sakini Calal Fərzalıyev müraciətinin müsbət həll edilməsinə görə Ağdam Rayon Pilis Şöbəsinin əməkdaşlarına və DİN rəhbərliyinə təşəkürünü bildirir. 

Ağdam rayon sakini Fəxrəddin Abışov peşə fəaliyyətini və xidməti vəzifələrini layiqincə yerinə yetirdiyinə görə Azərbaycan minnətdarlıq edir.

Bakı şəhər sakini Aqil Hüseynov DİN-in “Instagram” səhifəsinə təşəkkür mesajı ünvanlayıb: “12.06.2025-ci il tarixində paytaxtın Nərimanov rayonu ərazisində baş vermiş yol-nəqliyyat hadisəsinin iştirakçısı olmuşam. Hadisə yerinə gələn polis əməkdaşı vətəndaşlara diqqətlə yanaşaraq qanunları izah etdilər və mövzunu aydın şəkildə çatdırdılar. Bu peşəkarlıq və vətəndaş yönümlü münasibətə görə DİN-in və Nərimanov Rayon Polis İdarəsinin rəhbərliyinə təşəkkürümü bildirirəm”.

Sumqayıt şəhər sakini Rafiq Şirinov Daxili İşlər Nazirliyinə ünvanladığı teleqramda müraciətə şəhər polis idarəsinin 3-cü Polis Bölməsi əməkdaşları tərəfindən operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN-in rəhbərliyinə minnətdarlığını bildirir.

Bakı şəhər sakini Eldar Məmmədov DİN-in “Instagram” səhifəsinə təşəkkür mesajı ünvanlayıb: “20.06.2025-ci il tarixində Bakı şəhəri, Nərimanov rayonu, Z.Bünyadov prospektində baş vermiş yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmada iştirak etmişəm. Araşdırma zamanı mənə hüquqlarım izah olundu və proses obyektiv şəkildə həyata keçirildi. Araşdırmadan razı qaldım. Bu səbəbdən DİN-in rəhbərliyinə və Nərimanov Rayon Polis İdarəsinin əməkdaşlarına dərin minnətdarlığımı bildirirəm”.

Bakı şəhər sakini Elçin Vəliyev Daxili İşlər Nazirliyinə ünvanladığı məktubunda polis əməkdaşlarının gecəli gündüzlü xidməti, ayıq-sayıqlığı sayəsində rayonda asayişin etibarlı qorunmasını və təhlükəsizliyin yüksək səviyyədə təmin edildiyini qeyd edərək DİN-in rəhbərliyinə və Qaradağ Rayon Polis İdarəsinin şəxsi heyətinə təşəkkürünü bildirir.

Vətəndaş Aybəniz Məmmədova Daxili İşlər Nazirliyinə ünvanladığı məktubunda daxili işlər naziri tərəfindən keçirilən vətəndaş qəbulunda iştirak etdiyini bildirir. O, müraciəti üzrə müvafiq göstəriş verilərək operativ tədbirlərin həyata keçirildiyinə, müraciətinin qısa müddətdə müsbət həll olunmasına və ona dəymiş maddi ziyanın tam ödətdirilməsində göstərilən köməkliyə görə DİN rəhbərliyi¬¬nə minnətdarlığını ifadə edir.