Tovuz rayon sakini Şirzad Məlikov DİN rəhbərliyinə ünvanladığı təşəkkür məktubunda xidməti vəzifələrini layiqincə yerinə yetirdiklərinə görə Azərbaycan Polisinə  təşəkkür edir.

Sosial şəbəkə izləyicisi Nəsimi Quliyev DİN rəhbərliyinə ünvanladığı təşəkkür məktubunda etdiyi müraciətə həssas yanaşılmasına, operativ baxılaraq probleminin qısa müddətdə aradan qaldırılmasında göstərilən köməkliyə görə Abşeron Rayon Polis İdarəsinin şəxsi heyətinə minnətdarlığını bildirir.

Bakı şəhər sakini Rəhman Şəmilzadə DİN-in “Instagram” səhifəsinə təşəkkür mesajı yazıb. O, müraciəti ilə əlaqədar Sabunçu RPİ-nin 15-ci Polis Bölməsinə dəvət edildiyini, qəbul edilərək müvafiq araşdırmalara başlanıldığını qeyd edir. 
R.Şəmilzadə müraciətinə operativ baxılmasına, göstərilən diqqətə və obyektivliyə görə DİN rəhbərliyinə və Azərbaycan polisinə minnətdarlığını bildirir. 

Vətəndaş Ziya Əliyev “Facebook” sosial şəbəkə hesabında Azərbaycan polisinə təşəkkür postu paylaşıb. O, müraciəti ilə əlaqədar Baş Dövlət Yol Polisi İdarəsində araşdırma aparıldığını və müraciətinin qısa müddətdə müsbət həll olunduğunu bildirir. 
Z.Əliyev müraciətinə operativ baxılmasına və müsbət həll olunmasına görə DİN rəhbərliyinə və Azərbaycan polisinə minnətdarlığını bildirir. 

Sabirabad rayon sakini Haxverdi Əliyev Daxili İşlər Nazirliyinə ünvanladığı təşəkkür məktubunda xidməti vəzifələrini və peşə fəaliyyətini layiqincə yerinə yetirdiklərinə, eləcə də şəhər ərazisində narkotik vasitələrin və psixotrop maddələrin qanunsuz dövriyyəsinə qarşı aparılan mübarizə tədbirlərinə görə başda DİN rəhbərliyi olmaqla, Sabirabad RPŞ-nin rəhbərliyinə və əməkdaşlarına minnətdarlığını bildirir.

Zərdab rayon sakini Məhəddin Məmmədli üzləşdiyi problem ilə bağlı etdiyi müraciətinin obyektiv araşdırıldığına və ona dəymiş maddi ziyanın ödənilməsində göstərilən köməkliyə görə DİN rəhbərliyinə minnətdarlığını bildirir.

Sosial şəbəkə istifadəçisi Qədir Rzayev üzləşdiyi oğurluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində cinayəti törədən şəxsin saxlanılmasında, məsuliyyətə cəlb olunmasında, eləcə də dəymiş ziyanın ödətdirilməsində ona göstərdikləri köməkliyə görə Səbail RPİ 39-cu Polis Bölməsinin əməkdaşlarına minnətdarlığını bildirir. 

Şəhid atası Balakişi Səfərov üzləşdiyi dələduzluqla bağlı etdiyi müraciətə operativ reaksiya verilərək qısa zaman kəsiyində həll olunmasında, eləcə də dəymiş maddi ziyanın ödətdirilməsində ona göstərdikləri köməkliyə görə Nəsimi RPİ-nin şəxsi heyətinə təşəkkürünü ifadə edir. 

Bakı şəhər sakini Gültən Talıbova yol-nəqliyyat hadisəsi ilə üzləşdiyini, polisin obyektiv və operativ araşdırma apardığını, dəymiş ziyanın ödətdirilməsində ona yaxından köməklik göstərdiyini yazır. Buna görə Səbail RPİ-nin əməkdaşlarına minnətdarlığını yazır.