Bakı şəhər sakinləri – Xalid Qarayev, Alim Rəcəbov və Musa İsmayılov Daxili İşlər Nazirliyinə ünvanladıqları məktublarında paytaxt ərazisində üzləşdikləri yol-nəqliyyat hadisələri ilə əlaqədar Bakı Şəhər Dövlət Yol Polisi İdarəsinin əməkdaşları tərəfindən peşəkar, operativ və obyektiv araşdırma aparıldığını qeyd edərək məmnunluqlarının təmin edilməsinə görə DİN-in və Bakı Şəhər Dövlət Yol Polisi İdarəsinin rəhbərliyinə, eləcə də əməkdaşlarına minnətdarlıqlarını bildirirlər.

 Daxili İşlər Nazirliyinə ünvanladığı məktubunda müraciətinin müsbət həllində ona göstərilən köməkliyə görə DİN-in rəhbərliyinə və Xəzər Rayon Polis İdarəsinin əməkdaşlarına təşəkkürünü bildirir.

Bakı şəhər sakini Zəhraxanım Dadaşova Daxili İşlər Nazirliyinə ünvanladığı məktubunda dələduzluğa məruz qalması ilə bağlı müraciətinə operativ baxıldığına və obyektiv araşdırmalara başlanıldığına görə DİN-in rəhbərliyinə və Nəsimi Rayon Polis İdarəsinin əməkdaşlarına təşəkkürünü bildirir.

Bakı şəhər sakini Rauf Əliyev Daxili İşlər Nazirliyinə ünvanladığı məktubunda polis əməkdaşlarının gecəli-gündüzlü xidməti, ayıq-sayıqlığı sayəsində yaşadığı rayonda asayişin etibarlı qorunduğunu və təhlükəsizliyin yüksək səviyyədə təmin edildiyini qeyd edərək DİN-in rəhbərliyinə və Suraxanı Rayon Polis İdarəsinin şəxsi heyətinə təşəkkürünü bildirir.

Bakı şəhər sakini Esmira Abdullayeva Daxili İşlər Nazirliyinə ünvanladığı məktubunda humanistliyə, diqqətə, qayğıya və göstərdikləri köməkliyə görə Suraxanı Rayon Polis İdarəsinin əməkdaşlarına təşəkkürünü bildirir.

Vətəndaş Nurlan Abdulbağızadə DİN-in “Instagram” səhifəsinə təşəkkür mesajı yazıb. O, üzləşdiyi yol-nəqliyyat hadisəsi ilə bağlı Nərimanov Rayon Polis İdarəsində obyektiv araşdırma aparıldığını, müraciətinin müsbət həll olunduğunu və dəymiş maddi ziyanın ödətdirildiyini bildirir. 
N.Abdulbağızadə vətəndaş müraciətlərinə həssas yanaşılmasına görə DİN rəhbərliyinə, obyektivliyə və operativliyə görə Nərimanov RPİ-nin əməkdaşlarına təşəkkür edir.

Vətəndaş Əfsanə İslamlı DİN-in “Instagram” səhifəsinə yazdığı mesajında mobil telefonunun itməsi ilə bağlı Yasamal Rayon Polis İdarəsinin 29-cu Polis Şöbəsinə müraciət etdiyini və görülmüş tədbirlərlə telefonun qısa müddətdə tapılaraq ona təhvil verildiyini bildirir. O, operativliyə və göstərilən köməkliyə görə Yasamal RPİ-nin əməkdaşlarına təşəkkür edir.

İstefada olan hərbçi Araz Səmədov məktubunda Azərbaycan Respublikasının daxili işlər naziri tərəfindən keçirilən vətəndaş qəbulunda iştirak etdiyini və səhhətində yaranmış problemi ilə bağlı müraciəti üzrə verilmiş tapşırıqlar əsasında DİN-in A.Heydərov adına Respublika Hospitalında müalicə aldığını yazır. 
Orada həkimlərin bütün xəstələrə xüsusi  diqqət və qayğı ilə yanaşdığını qeyd edən A.Səmədov yaradılan bu şəraitə və göstərilən köməkliyə görə DİN rəhbərliyinə və A.Heydərov adına Respublika Hospitalının əməkdaşlarına təşəkkürünü bildirir, çətin və şərəfli xidmətlərində uğurlar arzulayır. 

Göyçay rayon sakini Elnur Babayev məktubunda Daxili İşlər Nazirliyinə ünvanladığı müraciəti üzrə obyektiv araşdırma aparıldığını və müraciətinin müsbət həll olunduğunu yazır. O, vətəndaş müraciətlərinə, o cümlədən onun müraciətinə həssas yanaşılmasına görə DİN rəhbərliyinə təşəkkürünü bildirir.