Vətəndaş və Polis
Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.
Təşəkkür məktubları
20.02.2026 - Beyləqan rayon sakini İlkin Əhmədov
Beyləqan rayon sakini İlkin Əhmədov DİN-ə ünvanladığı təşəkkür məktubunda üzləşdiyi problem ilə bağlı etdiyi müraciətinin müsbət həll olunmasına görə başda DİN rəhbərliyi olmaqla, Beyləqan RPŞ-nin rəhbərliyinə və əməkdaşlarına təşəkkür edir.
20.02.2026 - Vətəndaş Fərqanə Cəfərova
Vətəndaş Fərqanə Cəfərova müraciətinə operativ baxılmasına və göstərilən köməkliyə görə Xətai RPİ 37-ci Polis Şöbəsinin əməkdaşlarına təşəkkürünü bildirir.
20.02.2026 - Vətəndaş Fərid Məmmədov
Vətəndaş Fərid Məmmədov DİN-in “Instagram” səhifəsinə təşəkkür mesajı yazıb. O, baş vermiş yol-nəqliyyat hadisəsi ilə əlaqədar aparılan araşdırmalara görə Nərimanov Rayon Polis İdarəsinin əməkdaşlarına təşəkkürünü bildirir.
20.02.2026 - Vətəndaş Daşqın Həsənov
Vətəndaş Daşqın Həsənov DİN-in “Instagram” səhifəsinə təşəkkür mesajı yazıb. O, üzləşdiyi dələduzluqla bağlı müraciətinə çevik reaksiya verilməsinə və ona dəymiş maddi ziyanın ödətdirilməsinin təmin olunmasına görə Naxçıvan Şəhər Polis İdarəsinin əməkdaşlarına təşəkkürünü bildirir.
20.02.2026 - Bakı şəhər sakini Aytən Əliyeva
Bakı şəhər sakini Aytən Əliyeva məktubunda müraciətinə göstərilən operativliyə və obyektivliyə görə Yasamal Rayon Polis İdarəsinin əməkdaşlarına təşəkkürünü bildirir.
20.02.2026 - Vətəndaş Səidə Əhmədova
Vətəndaş Səidə Əhmədova DİN-in “Instagram” səhifəsinə təşəkkür mesajı yazıb. O, Sabunçu Rayon Polis İdarəsinin əməkdaşları tərəfindən rayon ərazisindəki məktəblərdə, o cümlədən 71 saylı tam orta məktəbdə narkomaniya əleyhinə mütəmadi olaraq maarifləndirici tədbirlər keçirildiyini qeyd edir. Bu tədbirlərin təqdirəlayiq olduğunu, həmçinin uşaqların maarifləndirilməsində və məlumatlı olmasında böyük rolu olduğunu qeyd edərək DİN rəhbərliyinə və Sabunçu Rayon Polis İdarəsinin əməkdaşlarına təşəkkürlərini bildirir.
20.02.2026 - Vətəndaş Leyla Cəfərova
Vətəndaş Leyla Cəfərova DİN-in “Instagram” səhifəsinə təşəkkür mesajı ünvanlayıb: “Sosial şəbəkədə təhqir olunmağımla bağlı Binəqədi Rayon Polis İdarəsinin 5-ci Polis Bölməsinə şikayət etmişdim. Araşdırma aparıldı və mənə köməklik göstərildi. Buna görə DİN-in və Binəqədi Rayon Polis İdarəsinin rəhbərliyinə təşəkkür edirəm. Daxili İşlər Nazirliyinin fəaliyyəti ilə qürur duyuram”.
20.02.2026 - Vətəndaş Nərmin Həsənzadə
Vətəndaş Nərmin Həsənzadə DİN-in “Instagram” səhifəsinə təşəkkür mesajı ünvanlayıb: “14 fevral 2026-cı il tarixində Səbail rayonu ərzisində çantamı itirmişdim. Təşəkkür edirəm ki, Səbail Rayon Polis İdarəsinin 9-cu Polis Bölməsinin əməkdaşları çantamı tapıb mənə təhvil verdilər. Yaşasın, Azərbaycan polisi!”.
20.02.2026 - Vətəndaş Süleyman Muradov
Vətəndaş Süleyman Muradov DİN-in “Instagram” səhifəsinə təşəkkür mesajı ünvanlayıb: “07.02.2026-cı il tarixində DİN-in “102” Xidməti-Zəng Mərkəzinə avtomobilimi vurub qaçan şəxsin müəyyən olunması ilə bağlı müraciət etmişdim. Müraciətimə Naxçıvan ŞPİ İTŞ-nin əməkdaşları tərəfindən vaxtında baxılaraq şəxs müəyyən olundu və mənə dəymiş ziyan ödəndi. Bununla bağlı DİN-in rəhbərliyinə və polis əməkdaşlarına təşəkkürümü bildirirəm”.
