Gəncə şəhər sakini Rəhim İmanov üzləşdiyi problemlə bağlı müraciətinə həssas yanaşılmasına, göstərilən diqqətə və görülmüş tədbirlərlə probleminin qısa müddətdə aradan qaldırılmasına görə Gəncə ŞBPİ-nin kollektivinə təşəkkür edir.

Sosial şəbəkə istifadəçiləri Səfər Mustafayev və Yeganə Əsgərova müraciətlərinə operativ baxılaraq obyektiv araşdırma aparılmasına görə Naxçıvan Şəhər Polis İdarəsinin əməkdaşlarına minnətdarlıq edirlər.

Vətəndaş Rafiq İsgəndərov müraciətinə operativ baxılmasına və müsbət həllini tapmasında göstərdikləri köməkliyə görə Naftalan Şəhər Polis Şöbəsinin rəhbərliyinə minnətdarlığını bildirir.

Göyçay rayon sakini Şirxan Manafov müraciətinin müsbət həll edilməsinə görə DİN rəhbərliyinə minnətdarlıq edir.

Əcnəbi vətəndaş Ahmed Alhammadi DİN-in “Instagram” səhifəsinə təşəkkür mesajı yazıb. O, ailəsinin üzləşdiyi problemlə bağlı müraciətinin müsbət həll olunmasına görə Səbail RPİ-nin 39-cu Polis Bölməsinin əməkdaşlarına təşəkkürünü bildirir.

Bakı şəhər sakini Orxan Zərbəliyev məktubunda müraciətinə göstərilən operativliyə və obyektivliyə, eləcə də həyata keçirilən tədbirlərə görə Yasamal Rayon Polis İdarəsinin əməkdaşlarına təşəkkürünü bildirir.

“Zəfər” teatrının rəhbəri Nəzifə Nəbiyeva məktubunda vətəndaşların müraciətlərinə həssaslıqla yanaşılmasına, göstərilən diqqət və qayğıya görə xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.

“Sabahinfo.az” saytının baş redaktoru Ədil Ədilzadə üzləşdiyi dələduzluqla bağlı müraciəti ilə əlaqədar həyata keçirilən tədbirlərə görə Abşeron Rayon Polis İdarəsinin əməkdaşlarına təşəkkürünü bildirir.

Sosial şəbəkə istifadəçisi Ələskər Məmmədov DİN-in “Instagram” səhifəsinə yazdığı mesajında üzləşdiyi dələduzluq faktı ilə bağlı müraciətinin Nəsimi RPİ-nin 19-cu Polis Şöbəsində araşdırılaraq əməli törədən şəxsin müəyyən edilməsinə və ona dəymiş maddi ziyanın ödənilməsinin təmin edilməsinə görə təşəkkürünü bildirir.