Kəlbəcər rayon sakini Fədail Şirinov müraciətinə operativ baxılaraq dəyən maddi ziyanın ödətdirilməsində ona göstərdikləri köməkliyə görə Gəncə ŞBPİ-nin əməkdaşlarına minnətdarlıq edir.  

Göygöl rayon sakini Fərahim Nəbiyev müraciətinə operativ reaksiya verilərək müsbət həll olunmasında göstərdikləri köməkliyə görə Azərbaycan polisinə minnətdarlığını yazır.

Tovuz rayon sakini İsmixan Adıgözəlov DİN-ə ünvanladığı təşəkkür məktubunda Azərbaycan polisinin fəaliyyətindən razılığını ifadə edir, onlara çətin və məsuliyyətli xidmətlərində uğurlar arzulayır. 

Goranboy rayon sakini Elçin Tağıyev ünvanladığı məktubda müraciətinə həssas yanaşılmasına, aparılan obyektiv araşdırmalarla qısa müddətdə müsbət həll edilməsinə görə DİN rəhbərliyinə və Azərbaycan polisinə təşəkkürünü bildirir.

Sumqayıt şəhər sakini Əfruzə Nəzərova məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Yasamal Rayon Polis İdarəsinin əməkdaşlarına minnətdarlığını bildirir.

Bakı şəhər sakini Elsevər Əliyev məktubunda üzləşdiyi dələduzluq faktı ilə bağlı Nəsimi Rayon Polis İdarəsinə etdiyi müraciətinə operativ baxıldığını, araşdırma aparılaraq məsələyə hüquqi qiymət verildiyini və dəymiş maddi ziyanın ona ödətdirildiyini qeyd edir. O, operativliyə, obyektiv araşdırmalara və maddi ziyanın ödətdirilməsində göstərilən köməkliyə görə DİN rəhbərliyinə təşəkkürünü bildirir, çətin və şərəfli xidmətlərində uğurlar arzulayır.

Şəhid ailəsinin üzvü olan Abşeron rayon sakini Sona Ağayeva DİN-in “Instagram” səhifəsinə ünvanladığı təşəkkür mesajında üzləşdiyi problemlə bağlı müraciəti əsasında Binəqədi Rayon Polis İdarəsində obyektiv araşdırma aparılaraq  müraciətinin qısa müddətdə müsbət həll olunduğunu qeyd edir. S.Ağayeva şəhid ailələrinə, o cümlədən ona göstərilən yüksək diqqət və qayğıya görə DİN rəhbərliyinə və Binəqədi RPİ-nin əməkdaşlarına təşəkkürünü bildirir, çətin və şərəfli xidmətlərində onlara uğurlar arzulayır.

Beyləqan rayon sakini Röyalə Quliyeva müraciəti müsbət həll olunduğuna görə Beyləqan Rayon Polis Şöbəsinin əməkdaşlarına minnətdarlığını bildirir. 

Ağcabədi rayon sakini Rəşad Cəfərov xidməti fəaliyyətini layiqincə yerinə yetirən Ağcabədi Rayon Polis Şöbəsinin rəhbərliyinə təşəkkürünü bildirir.