Vətəndaş Zaur Qurbanov DİN-in “İnstagram” səhifəsinə təşəkkür mesajı ünvanlayıb:  Biz “Red Bull” şirkəti olaraq race.az tərəfindən Şahdili Qoruğunda təşkil olunmuş qaçış tədbirində iştirak etmişik. Tədbir zamanı təhlükəsizliyimizin yüksək səviyyədə təmin edilməsinə görə Pirallahı Rayon Polis İdarəsinə və cənab Nazirə dərin təşəkkürümüzü bildiririk.

Vətəndaş Azad Məmmədov DİN-in “İnstagram” səhifəsinə  təşəkkür mesajı ünvanlayıb:  06.06.2026-cı il tarixində Nərimanov rayonu ərazisində baş vermiş yol-nəqliyyat hadisəsinin iştirakçısı olmuşam. Hadisə yerində xidmət aparan polis əməkdaşı yüksək peşəkarlıq nümayiş etdirərək vətəndaşlara lazımi köməklik göstərmiş, eyni zamanda hadisə yerinin mühafizəsini təmin etmişdir. Buna görə başda cənab Nazir Vilayət Eyvazov olmaqla, Nərimanov rayonunun polis rəhbərliyinə və xidmətdə fərqlənən polis əməkdaşlarına minnətdarlığımı bildirir, onlara məsuliyyətli fəaliyyətlərində uğurlar arzulayıram.

Sosial şəbəkə istifadəçisi Namiq Pişyəri baş vermiş yol-nəqliyyat hadisəsi zamanı aparılan araşdırmadan razılıq edir və göstərilən köməkliyə görə Nərimanov Rayon Polis İdarəsinin kollektivinə təşəkkürünü bildirir.

Sosial şəbəkə istifadəçisi Məmməd Məmmədov baş vermiş yol-nəqliyyat hadisəsi zamanı obyektiv araşdırma aparılmasına, həmçinin göstərilən xoş rəftar və nəzakətli davranışlara görə Nərimanov RPİ-nin Təhqiqat Şöbəsinin əməkdaşlarına minnətdarlıq edir.

Sosial şəbəkə istifadəçisi Eyyub Heydərov DİN-in “Instagram” səhifəsinə yazdığı mesajında etdiyi müraciətə operativ reaksiya verilməsinə və zəruri tədbirlərin dərhal həyata keçirilməsində göstərilən köməkliyə görə  Azərbaycan polisinə minnətdarlığını bildirir. 

Bakı şəhər sakini Minarə Abdullayeva məişət və sosial problemlərinin həlli ilə bağlı ona maddi yardım göstərildiyinə görə DİN rəhbərliyinə təşəkkürünü bildirir.

Vətəndaş Asif Tağıyev ona qarşı törədilən dələduzluq faktı ilə bağlı şikayətinə operativ baxılaraq dəyən maddi ziyanın ödətdirilməsində göstərdikləri köməkliyə görə Qaradağ Rayon Polis İdarəsinin əməkdaşlarına  minnətdarlıq edir.

Sosial şəbəkə istifadəçisi Laçın Sultanova müraciətinə operativ baxılmasına, həyata keçirilən tədbirlərə və müraciətinin müsbət həll olunmasına görə Pirallahı Rayon Polis İdarəsinin kollektivinə təşəkkür edir. 

Sosial şəbəkə istifadəçisi Müşviq Şirinov baş vermiş yol-nəqliyyat hadisəsilə bağlı obyektiv araşdırma aparılmasına və göstərilən köməkliyə görə Bakı şəhər Baş Polis İdarəsinin Dövlət Yol Polisi İdarəsinin əməkdaşlarına minnətdarlığını bildirir.