Gəncə şəhər sakini Elnurə Ələkbərova üzləşdiyi problemə operativ yanaşdıqlarına və müvafiq hüquqi qiymətləndirmədən sonra onun haqlı olduğunu üzə çıxardıqlarına, görülən tədbirlər nəticəsində ədalətin bərpa olunduğunu görə Daşkəsən Rayon Polis Şöbəsinin əməkdaşlarına təşəkkürünü bildirir.

Astara rayon sakinləri Fuad Əsədullayev və Sənan Liftiyev DİN-ə ünvanladıqları təşəkkür məktubunda RPŞ əməkdaşlarının xidmətindən məmnun qaldıqlarını, rayonda sabitliyin və asayişin etibarlı qorunduğunu xüsusi vurğulayırlar.

Bakı şəhər sakinləri Ə.Hüseynzadə, Rüfət Hüseynov, Elşən Ağamirzəyev və Sumqayıt şəhər Corat qəsəbə sakini Dilqəm Fərzəliyev onlara dəymiş ziyanın ödətrilməsinə görə həmkarlarımıza minnətdarlıq edirlər.

Quba rayon sakini Namiq Əliyev bir müddət öncə itkin düşmüş oğlu Natiqin digər aidiyyatı orqanlarla birgə axtarışında fəallıq göstərərək tapılmasına köməklik edən Quba RPŞ-nin əməkdaşlarına təşəkkürünü bildirir.

Bakı şəhər sakini Nizaməddin Cabbarov etdiyi müraciətə çevik reaksiya verdiyinə və obyektiv araşdırılmasında göstərdiyi köməkliyə görə Əlahiddə Çevik Polis Alayının rəhbərliyinə təşəkkür edir.

Qusar rayon sakini Kinyaz Zöhrəbəyov sabitliyin keşiyində, asayişin təminində digər hüquq-mühafizə orqanları ilə yanaşı, polisin də fəaliyyətini yüksək qiymətləndirir, Vətənə və dövlətə xidmətdə həmkarlarımızın əsl vətəndaş yanğısı nümayiş etdirdiklərini xüsusi vurğulayır.

Bakı şəhər sakini Natavan Əliyeva DİN-ə ünvanladığı təşəkkür məktubunda yollarda təhlükəsizliyi təmin edən həmkarlarımıza minnətdarlığını ifadə edir.

Kürdəmir rayon sakini Ruslan Muxtarov yazır ki, Baş Dövlət Yol Polisi İdarəsinə etdiyi müraciətə qısa zaman kəsiyində baxıldı, yaranmış problem həllini tapdı. Buna görə də o, DİN rəhbərliyinə təşəkkürünü bildirir.

Bakı şəhər sakini Yaqub Sultanov ailəsinə qarşı edilmiş quldurluq cinayətinin qısa zaman kəsiyində açılmasında, cinayətkarların yaxalanmasında göstədikləri operativliyə görə Binəqədi RPİ-nin 4-cü Polis Bölməsinin əməkdaşlarına təşəkkürünü bildirir.