Bakı şəhər sakinləri Əli Hüseynov və Pərvanə Əliyeva müraciətlərinə qısa zaman kəsiyində baxıldığına və üzləşdikləri problemin həllində göstərdiyi köməkliyə görə polisə təşəkkürünü bildirir.

Binəqədi rayonu 83 nömrəli məktəb-liseyin kollektivi cinayətkarlıqla ciddi mübarizə aparmaqla, asayişin keşiyində ayıq-sayıq durmaqla yanaşı, həm də gələcəyimiz olan gəncliyimizi, fidan balalarımızı düşünüb narkomaniyayla, erkən nikahlarla, dini radikalizmlə mübarizədə də qətiyyətini əsirgəməyən, bu məqsədlə rayonun bütün məktəblərində tədbirlər düzənləyən, qapımızı səssiz döyən bəlanın qarşısını almaq üçün maarifləndirməyə xüsusi önəm verən polisimizə təşəkkürünü bildirir.

Bərdədə məskunlaşan Kəlbəcər rayon sakini Əlzamin Mamedov asayiş keşikilərinin nümunəvi xidmətindən, şəhid ailələrinə, məcburi köçkünlərə RPŞ rəhbərliyi tərəfindən göstərilən diqqət və qayğıdan söhbət açır, həmkarlarımıza uğurlar arzulayır.

Sabirabad rayon sakini Azər Həsənov vətəndaşların əmin-amanlıq şəraitində yaşaması üçün üzərlərinə düşən vəzifəni layiqincə yerinə yetirdiklərinə görə Şirvan ŞPŞ-nin əməkdaşlarına minnətdarlığını ifadə edir.

Quba rayon sakini Rəna Cəfərova şəhid ailələrinə hər zaman yüksək diqqət və qayğı göstərdiyinə görə DİN və Quba RPŞ-nin rəhbərliyinə təşəkkürünü bildirir.

Qusar rayon sakini Əziz Əzizov üzləşdiyi problemin həllində köməklik göstərdiyinə görə RPŞ-nin İstintaq bölməsinin müstəntiqi Samir Çobanovun fəaliyyətindən razılığını ifadə edir.

Bakı şəhər sakini Faiq Heydərov ölkəni tərk etmək və əmlak hüququnun məhdudlaşdırılmasının aradan qaldırılmasına dair DİN-ə etdiyi onlayn müraciətə çevik reaksiya verildiyinə və hüquqlarının bərpasına görə təşəkkürünü bildirir.

Bakı şəhər sakini Hörmət Rüstəmova üzləşdiyi problemin həllində göstərdikləri köməyə görə Nəsimi RPİ-nin İstintaq şöbəsinin əməkdaşlarına minnətdarlığını bildirir.

Bakı şəhər sakini Namik Məmmədov ona qarşı soyğunçuluq törətmiş şəxsin müəyyənləşdirilib məsuliyyətə cəlb olunmasında göstərdikləri köməyə görə Xəzər Rayon Polis İdarəsinin əməkdaşlarına təşəkkür edir.