Bakı şəhər sakini Səfərəli Səfərov DİN-ə ünvanladığı məktubunda bildirir ki, avtomobili oğurlandıqda tez polisdən kömək istəyib. Bir qədər keçmiş mülkiyyətində olan avtomobil tapılaraq özünə qaytarılıb. Məktub müəllifi polisin peşəkarlığına, belə operativliyə görə DİN rəhbərliyinə və BDYPİ-nin əməkdaşlarına minnətdarlığını bildirir.

Yevlax rayon sakini Nahid Mehdiyev DİN rəhbərliyinə ünvanladığı təşəkkür məktubunda ictimai asayişin və sabitliyin qorunmasındakı xidmətlərinə görə polisin fəaliyyətindən məmnunluğunu bildirir, həmçinin Yevlax RPŞ-nin rəisi Elnur Mehdiyevdən razılğını ifadə edir.

Astara rayonunun Süparibağ kənd sakini Nail Fərziyev DİN rəhbərliyinə ünvanladığı təşəkkür məktubunda cinayətkarlığa və narkotiklərin qanunsuz dövriyyəsinə qarşı aparılan mübarizəyə, həmçinin yollarda hərəkətin təhlükəsizliyinin təmin olunmasına, bu istiqamətdə məktəblilərlə keçirilən maarifləndirici görüşlərə görə Astara RPŞ-nin rəisi, polis polkovniki Azər Cahangirov və RPŞ-nin dövlət yol polisi bölməsinin rəisi, polis mayoru İlqar Rəhimzadədən razılığını bildirir və minnətdarlığını ifadə edir.

Astara şəhər sakini Cavad Mirzəyev DİN rəhbərliyinə ünvanladığı təşəkkür məktubunda xidməti fəaliyyətini layiqincə yerinə yetirdiklərinə görə Astara RPŞ-nin dövlət yol polisi bölməsinin əməkdaşlarına minnətdarlığını bildirir.

Lənkəran şəhər sakini Sabir Əliyev DİN rəhbərliyinə ünvanladığı təşəkkür məktubunda etdikləri müraciətin obyektiv araşdırılmasına və köməklik göstərilməsinə görə Astara RPŞ-nin Təhqiqat Bölməsinin əməkdaşlarına minnətdarlığını bildirir.

Astara şəhər sakini Raci Əliyeva DİN rəhbərliyinə ünvanladığı təşəkkür məktubunda ona borclu olan şəxsin tapılmasına və borcununun ödənilməsinin təmin olunmasına görə Rayon Polis Şöbəsinin rəisi Azər Cahangirov və həmçinin, Qeydiyyat və Şəxsiyyət Vəsiqəsi Bölməsinin rəisi İlkin İsmayılovdan razılığını ifadə edir.

Bakı şəhər sakini Elçin Hacıyev DİN-ə ünvanladığı məktubunda şikayətinə tez bir zamanda baxılaraq probleminin həllini tapmasında ona göstərdikləri köməyə görə Baş Dövlət Yol Polisi əməkdaşlarına minnətdarlığını bildirir.

Bakı şəhər sakinləri Yalçın Qocayev və Rövşən Abbasov DİN-ə ünvanladıqları məktublarında Azərbaycan Polisinə təşəkkürlərini bildirir və gələcək fəaliyyətlərində uğurlar diləyirlər.

Bakı şəhər sakini Yaşar İbrahimov evlərində baş vermiş oğurluq hadisəsinin üstünün isti izlərlə açılmasında ona göstərdikləri köməyə görə Suraxanı Rayon Polis İdarəsinin əməkdaşlarına minnətdarlığını bildirir.