Tovuz rayonu Əyyublu kənd sakini Nüsrət Rzayev yol-nəqliyyat hadisəsi nəticəsində traktorunun əzilməsi ilə bağlı etdiyi müraciətə DİN-in Baş İstintaq və Təhqiqat İdarəsinin Yol Nəqliyyat Hadislərinə Dair İşlər Üzrə İstintaq və Təhqiqat Şöbəsi tərəfindən çevik reaksiya verildiyinə və aparılan araşdırmadan sonra ona dəymiş ziyanın ödətdirilməsinə görə həmkarlarımıza təşəkkür edir.

Bakı şəhər sakini Zamin Həmidov cinayətkarlıqla ciddi mübarizəyə və yollarda təhlükəsizliyin etibarlı təmininə görə Azərbaycan Polisinə razılığını ifadə edir.

Bakı şəhər sakini Yeganə Ağayevə DİN-ə ünvanladığı məktubda Şüvələn qəsəbəsindəki ona məxsus bağ sahəsinin Seyran adlı şəxs tərəfindən zəbt edilməsi barədə şikayət ərizəsinə Xəzər Rayon Polis İdarəsi tərəfindən dərhal baxıldığına, qanuni tədbirlər görüldüyünə, hüquqlarının qorunduğuna görə təşəkkür edir.

Bakı şəhər sakini Nürəddin Qasımov həmkarlarımızın fəaliyyəti nəticəsində yollarda hərəkətin yüksək səviyyədə nizamlandığını, avtoxuliqanlara və avtomobili içkili vəziyyətdə idarə edənlərə qarşı sərt mübarizə tədbirləri görüldüyünü görə DİN rəhbərliyinə təşəkkür edir.

Abşeron rayonu Mehdiabad qəsəbə sakini İltifat Aslanov etdiyi müraciətə Baş Mütəşəkkil Cinayətkarlıqla Mübartizə İdarəsində baxıldığına və aparılan araşdırmalardan sonra hər şeyin qanun çərçivəsində öz həllini tapdığına görə DİN rəhbərliyinə təşəkkürünü bildirir.

Sumqayıt şəhər sakini Qafur Mustafayev və Balaxanım Mustafayevə DİN-in “102 Zəng Xidməti”nə göndərdikləri onlayn müraciətə DİN Şəxsi Heyətlə İş İdarəsi tərəfindən baxıldığına və problemin həllini tapdığına görə təşəkkürlərini bildirirlər.

Lənkəran rayon sakini Könül Bağırova DİN-ə ünvanladığı təşəkkür məktubunda şəhid ailələrinə göstərilən xüsusi diqqət və qayğıya görə Lənkəran ŞRPŞ-nin əməkdaşlarından razılığını bildirir.

Gəncə şəhər sakini İlqar Rüstəmov DİN-ə ünvanladığı məktubunda itirdiyi telefonun tapılıb ona təhvil verilməsinə görə daxili işlər orqanları əməkdaşlarına təşəkkürünü bildirir.

Bakı şəhər sakini Müstəqim Hümmətli məktubunda yol polisi əməkdaşlarının fəaliyyətindən məmnunluğunu yazaraq DİN-in rəhbərliyinə təşəkkürünü bildirir.