Vətəndaşlar Vüsal Qürbətov, Aydın Ağayev və Əlikömək Səfərov öz təşəkkür məktublarında DİN rəhbərliyinin bölgələrdə vətəndaşlarla təşkil olunan görüşləri zamanı qaldırılan məsələlərin operativ qaydada həllini tapmasına, müraciətlərin diqqətlə və həssaslıqla dinlənilərək lazımi köməkliyin göstərilməsinə görə minnətdarlıqlarını ifadə edirlər.

Lənkəran rayon sakini Firdovsi Bəndiyev bank kartından oğurluq edən şəxsin Lənkəran Şəhər Rayon Polis Şöbəsinin əməkdaşları tərəfindən müəyyən olunaraq məsuliyyətə cəlb olunmasına və ona dəymiş maddi ziyanın tam şəkildə ödənilməsinin təmin edilməsinə görə öz təşəkkürünü bildirir.

Vətəndaş Elvin Bağırov müraciətinə Lənkəran Şəhər Rayon Polis Şöbəsində obyektiv şəkildə baxıldığını bildirir və araşdırmanın gedişindən məmnunluğunu ifadə edir.

Vətəndaş Nadir Bağırov öz təşəkkür məktubunda xidməti vəzifələrinin və peşə fəaliyyətinin öhdəsindən layiqincə gəldiyinə görə Lənkəran Şəhər Rayon Polis Şöbəsinin Liman Polis Bölməsinin rəhbərliyinə minnətdarlığını bildirir.

Vətəndaş Murad Rəhimov müraciəti ilə əlaqədar Lənkəran Şəhər Rayon Polis Şöbəsinin rəhbərliyi tərəfindən qəbul edilməsinə və məsələnin müsbət həllini tapmasına görə DİN rəhbərliyinə öz təşəkkürünü bildirir.

Vətəndaş Günel Məmmədova vətəndaş müraciətlərinə həssaslıqla yanaşılmasına, xidməti vəzifələrinin öhdəsindən layiqincə gəldiklərinə görə Lənkəran Şəhər Rayon Polis Şöbəsinin ictimai təhlükəsizlik bölməsinin əməkdaşlarına minnətdarlığını bildirir.

Vətəndaş Aytən Bağırova DİN-in sosial şəbəkə hesabına ünvanladığı təşəkkür məktubunda müraciəti ilə əlaqədar Lənkəran ŞRPŞ-nin rəhbərliyi tərəfindən qəbul edildiyini  və məsələnin müsbət həllini tapdığını bildirir.

Vətəndaş Əliqənbər Əliyev öz təşəkkür məktubunda vətəndaş müraciətlərinə həsaslıqla yanaşıldığına və xidməti vəzifələrini layiqincə yerinə yetridiklərinə görə Cəlilabad Rayon Polis Şöbəsinin rəhbərliyinin fəaliyyətindən məmnunluğunu ifadə edir.

Vətəndaş Əli Etibarzadə öz təşəkkür məktubunda səhhəti pisləşən azyaşlı övladını xəstəxanaya apararkən olduqları avtomobildə texniki nasazlıq yarandığını, ərazidə xidmət aparan BDYPİ-nin Yol Patrul Xidməti Alayının 11-ci tağımının əməkdaşları tərəfindən onlara köməklik göstərilərək övladının tibb müəssisəsinə vaxtında çatdırıldığını bildirir. Vətəndaşların qayğılarına həssaslıqla yanaşılmasına və göstərilən köməkliyə görə minnətdarlığını bildirir.