Vətəndaş Nicat Qarayev Daxili İşlər Nazirliyinə təşəkkür məktubu mesajı ünvanlayıb: “Mən ərizə ilə Xətai Rayon Polis İdarəsinin 36-cı Polis Şöbəsinə müraciət etmişdim. Müraciətimə operativ şəkildə reaksiya verildi və mənə lazımi köməklik göstərildi. Buna görə DİN-in və Xətai Rayon Polis İdarəsinin rəhbərliyinə dərin təşəkkürümü bildirirəm”.

Bakı şəhər sakini Eldəniz Cabarov Daxili İşlər Nazirliyinə təşəkkür məktubu ünvanlayıb: “Nizami Rayon Polis İdarəsinin Dövlət Yol Polisi Şöbəsinin əməkdaşları müraciətimlə bağlı mənə köməklik göstərdilər. Buna görə də, Nizami RPİ DYPŞ-nin əməkdaşlarına və Azərbaycan polisinə minnətdarlığımı bildirirəm”.

Vətəndaş Kənan Kazımzadə DİN-in “Instagram” səhifəsinə təşəkkür mesajı ünvanlayıb: “Nərimanov rayonu ərazisində baş vermiş yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmada iştirak etdim və araşdırmadan razı qaldım. Buna görə DİN-in rəhbərliyinə və Nərimanov RPİ-nin əməkdaşlarına dərin minnətdarlığımı bildirirəm”. 

Vətəndaş İntiqam Allahverdiyev DİN-in “Instagram” səhifəsinə təşəkkür mesajı yazıb. O, vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə görə DİN rəhbərliyinə və Pirallahı Rayon Polis İdarəsinin  əməkdaşlarına minnətdarlığını bildirir. 

Vətəndaş Aynur İmanlı DİN-in “Instagram” səhifəsinə təşəkkür mesajı ünvanlayıb: “Gəncə şəhəri ərazisində əşyam itmişdi. Polis əməkdaşları tərəfindən dərhal müdaxilə olundu, tapılaraq bizə təhvil verildi. Buna görə də, DİN-in Dəmir Yolu Nəqliyyatında Polis İdarəsinin Gəncə Xətt Polis Şöbəsinin əməkdaşlarına  dərin təşəkkürümü bildirirəm”. 

Vətəndaş Sahil Mehdiyev DİN-in “Instagram” səhifəsinə təşəkkür mesajı ünvanlayıb: “Səbail Rayon Polis İdarəsinə qulaqcığın itməsi ilə bağlı müraciət etmişdim. Tez bir zamanda operativ müdaxilə edərək qulaqcığı tapıb mənə təhvil verdilər. Bununla bağlı Daxili İşlər Nazirliyinə və Səbail Rayon Polis İdarəsinin 39-cu Polis Şöbəsinin bütün kollektivinə öz minnətdarlığımı bildirirəm”.

Vətəndaş İmran Aslanzadə DİN-in “Instagram” səhifəsinə təşəkkür mesajı ünvanlayıb: “Binəqədi Rayon Polis İdarəsinin Dövlət Yol Polisi Şöbəsinin əməkdaşları müraciətimlə bağlı mənə köməklik göstərmiş, dəymiş maddi ziyan tam şəkildə ödətdirilmişdir. Buna görə də, Binəqədi RPİ DYPŞ-nin əməkdaşlarına və Azərbaycan polisinə minnətdarlığımı bildirirəm”.

Vətəndaş Aytən Quliyeva DİN-in “Instagram” səhifəsinə təşəkkür mesajı yazıb. O, Metropolitendə Polis İdarəsinə etdiyi müraciətinə operativ reaksiya verildiyini və zəruri tədbirlərin dərhal həyata keçirildiyini vurğulayır. 
Vətəndaş müraciətinə həssas yanaşılmasına, göstərilən diqqətə və operativliyə görə Azərbaycan polisinə təşəkkürünü bildirir. 

Vətəndaş Röya Tağıyeva DİN-in “Instagram” səhifəsinə təşəkkür mesajında üzləşdiyi hüquqazidd əməllərlə bağlı müraciətinə operativ reaksiya verildiyini qeyd edir. O, Xətai Rayon Polis İdarəsinin Dövlət Yol Polisi Şöbəsinə dəvət edildiyini, nəzakətlə qarşılanaraq dinlənildiyini və müraciətinə obyektiv baxılaraq müsbət həll edildiyini qeyd edir. 
R.Tağıyeva vətəndaş müraciətlərinə həssas yanaşılmasına, göstərilən diqqətə və operativliyə görə DİN-in rəhbərliyinə və Xətai Rayon Polis İdarəsinin əməkdaşlarına təşəkkürünü bildirir.