Qazax rayonunun bir qrup sakini DİN rəhbərliyinə ünvanladıqları təşəkkür məktubunda ictimai asayişin və sabitliyin qorunmasındakı xidmətlərinə görə polisin fəaliyyətindən məmnunluğunu bildirir, həmçinin Qazax RPŞ-nin rəisi Ədalət Əliyevdən razılıq edir və minnətdarlığını ifadə edir.

Bakı şəhər sakini Tahirə İsgəndərova üzləşdiyi dələduzluq faktı ilə əlaqədar müraciətinə qısa müddətdə baxılaraq şikayətinin təmin edilməsində və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Sabunçu RPİ-nin İstintaq Şöbəsinin əməkdaşlarına təşəkkürünü bildirir.

Şabran şəhər sakini Elxan Həsənzadə DİN-ə ünvanladığı təşəkkür məktubunda nəvəsinin velosipedinin oğurlanması ilə bağlı etdiyi müraciətə tez bir zamanda baxılması və oğurlanmış velosipedin tapılıb qaytarılmasına görə Şabran RPŞ-nin rəhbərliyinə və polis sahə rəisi Mütəllim Məhərrəmova minnətdarlığını bildirir.

Hacıqabul rayon sakini Şakir Hüseynov DİN rəhbərliyinə ünvanladığı minnətdarlıq məktubunda ona dəymiş maddi zərərin qısa müddət ərzində ödənildiyi üçün Xəzər RPİ-nin rəhbərliyinə və Təhqiqat Şöbəsinin əməkdaşlarına təşəkkürünü bildirir.

Milli Məclisin regional məsələlər komitəsinin sədri Arif Rəhimzadə "Azərbaycan Polisinin 100 illiyi (1918-2018)" yubiley medalı ilə təltif olunduğuna görə DİN rəhbərliyinə təşəkkürünü bildirir.

Azərbaycan Respublikasının Milli Məclisinin İctimai Birliklər və dini qurumlarla iş Komitəsinin sədri, Yeni Azərbaycan Partiyasının İcra Kaitibinin müavini Siyavuş Novruzov "Azərbaycan Polisinin 100 illiyi (1918-2018)" yubiley medalı ilə təltif olunduğuna görə DİN rəhbərliyinə təşəkkürünü bildirir.

Azərbaycan Respublikasının Qırğız Respublikasında Fövqəladə və Səlahiyyətli səfiri Hidayət Orucov, Xalq artisti Alim Qasımov, Milli Məclisin deputatı Çingiz Qənizadə və tanınmış şair Vahid Əziz Azərbaycan Respublikasının daxili işlər naziri, general-polkovnik Ramil Usubovu 1-ci dərəcəli “Vətənə xidmətə görə” ordeni ilə təltif edildiyinə görə təbrik edirlər.

Zərdab rayon Çallı kənd sakini Taryel Qasımov DİN rəhbərliyinə ünvanladığı təşəkkür məktubunda onun barəsində ünvanlanan müraciətin obyektiv şəkildə araşdırılmasına görə RPŞ-nin sahə müvəkkili Murad Muradlıya öz təşəkkürünü bildirir.

Bakı şəhər sakini Aytən Ağayeva qeydiyyatla bağlı Nəsimi RPİ-yə etdiyi müraciətə dərhal reaksiya verilərək məsələnin müsbət həll olunmasına göstərilən köməkliyə görə Qeydiyyat və Şəxsiyyət vəsiqəsi Şöbəsinin əməkdaşlarına minnətdarlığını bildirir.