Qax rayon sakini Sahib Nəsibov DİN rəhbərliyinə ünvanladığı təşəkkür məktubunda qarşılaşdığı problemin həllində göstərilən köməkliyə görə, RPŞ-nin əməkdaşlarına öz minnətdarlığını bildirir.

Ziyalı DİN rəhbərliyinə və yol polisi əməkdaşlarına təşəkkürünü bildirir

Uzun illərin müəllimi, şair-tərcüməçi, 5 kitabın, çoxlu sayda tərcümə və məqalələrin müəllifi olan 68 yaşlı Şahin Canıyev yazır ki, bu yaxınlarda ailəsi ilə birlikdə Lənkərandan qayıdarkən Masallı rayonu ərazisində qəfildən gəldikləri avtomobildə nasazlıq yaranıb və yolda qalıblar. Bu zaman həmin ərazidə xidmət aparan 2 yol polisi əməkdaşı onlara yaxınlaşıb və problemləri ilə maraqlanıb. Polis əməkdaşları avtomobildə olan 3 yaşlı qadını və onu öz maşınlarına əyləşdirib və qısa vaxtda onların maşınındakı nasazlığı aradan qaldırıblar. Yol polisi əməkdaşları onları Masallı postuna qədər ötürüblər.

Müəllif yazır ki, postda maşını saxlayıb həmin əməkdaşların adlarını öyrənib. O, polisin bu cür davranışının, xeyirxah əməllərinin qürurverici olduğunu deyir və məktubunda bu cür əməkdaşların olduğuna görə DİN rəhbərliyinə və Baş Dövlət Yol Polisi İdarəsinin Yol Patrul Xidməti Alayının 11-ci taqımının əməkdaşları Rövşən İsmayılova və Zamiq Həsənova təşəkkürünü bildirir.

Lerik rayon sakini Üzeyir Məmmədov DİN rəhbərliyinə ünvanladığı təşəkkür məktubunda xidməti vəzifəsini layiqincə yerinə yetirdiyinə görə Lerik RPŞ-nin rəisi Ayaz Cəfərova minnətdarlığını ifadə edir.

Biləsuvar şəhər sakini Səbuhi Məmmədov öz təşəkkür məktubunda etdiyi müraciətin operativ və obyektiv şəkildə araşdırılmasına görə DİN rəhbərliyinə minnətdarlığını bildirir.

Astara rayonunun Sərək kənd sakini Sənan Lüftiyev DİN rəhbərliyinə ünvanladığı təşəkkür məktubunda Nəqliyyatda Baş Polis İdarəsinin Su Nəqliyyatında Polis İdarəsinin əməkdaşları tərəfindən qanunsuz balıq ovuna qarşı aparılan mübarizəyə görə minnətdarlığını bildirir.

Astara şəhər sakini Əli Əliyev DİN rəhbərliyinə ünvanladığı təşəkkür məktubunda ictimai qaydanın qorunmasına, cinayətkarlığa qarşı aparılan mübarizəyə görə Rayon Polis Şöbəsinin rəisi, polis polkovniki Azər Cahangirova minnətdarlığını bildirir.

Bu yaxınlarda Bakı şəhərində səfərdə olmuş Almaniyada yaşayan soydaşımız Temur Tarverdiyev DİN-ə təşəkkür məktubu ünvanlayıb. O, məktubunda paytaxtın İstiqlaliyyət küçəsində yol hərəkəti təlükəsizliyinin təmin edilməsinə və vətəndaşlarla xoş rəftarına görə Yol Patrul Xidmətinin əməkdaşlarına təşəkkürünü bildirir.

Sabirabad rayon sakini Təvəkkül Əliyev və İmişli rayon sakini Emin Qəhrəmanov DİN-ə ünvanladıqları məktubda etdikləri müraciətə baxılmasına və göstərilən köməkliyə görə Rayon Polis Şöbəsinin rəisi Namiq Camalova minnətdarlıq edirlər.

Şirvan şəhər sakini Babək Ədilov DİN rəhbərliyinə ünvanladığı təşəkkür məktubunda ona göstərilən köməkliyə görə Şirvan Regional Qeydiyyat İmtahan və Texniki Baxış şöbəsinin rəisi Əlixan Zeynalova və müfəttiş Bilal Əliyevə təşəkkürünü ifadə edir.