Gədəbəy rayon Zəhmətkənd kənd sakini Afət Abbasova DİN rəhbərliyinə ünvanladığı təşəkkür məktubunda rayon ərazisində yol hərəkəti təhlükəsizliyinin təmin edilməsinə görə Gədəbəy RPŞ-nin rəisi, polis polkovniki Mehman Həşimova təşəkkürünü bildirir.

Bakı şəhər sakini Tural Mirzəyev DİN-ə ünvanladığı məktubunda bildirir ki, iyunun 27-də gecə saat 1-də Masazır qəsəbəsi ərazisində atası Ş.Mirzəyevin halı qəfildən pisləşib. Təcili tibbi yardıma zəng edən məqamda həmin ərazidə xidmət aparan Post Patrul Xidməti avtomobili onlara yaxınlaşıb və onları təcili xəstəxanaya çatdırıblar. T.Mirzəyev bu yüksək mənəvi keyfiyyətlərinə, diqqət və qayğıya görə DİN rəhbərliyinə, həmçinin Abşeron RPİ-nin Post Patrul Xidmətinin əməkdaşları Kamil Həsənova, İlkin Kərimova və Elməddin Alıyevə dərin təşəkkürünü bildirir.

Quba rayon sakini Telman Tağıyev DİN-ə ünvanladığı təşəkkür məktubunda müraciətinə tez bir zamanda baxılaraq ona dəyən maddi ziyanın ödənilməsində göstərdikləri köməyə görə DİN rəhbərliyinə və Binəqədi RPİ-nin İstintaq Şöbəsinin rəisi, polis polkovnik-leytenantı Müşfiq Qubadova minnətdarlığını bildirir.

Abşeron rayon sakini Eldar Alməmmədov DİN-ə ünvanladığı məktubunda şikayət ərizəsinə tez bir zamanda baxılaraq müsbət həll olunmasında ona göstərilən köməyə görə Baş İctimai Təhlükəsizlik İdarəsinin əməkdaşı Bəxtiyar Mustafayevə minnətdarlığını yazır.

Astara rayon sakini Elxan Əhmədov oğurluq hadisəsinin üstünün açılmasında ona göstərdikləri köməyə görə Astara Rayon Polis Şöbəsinin əməkdaşlarına minnətdarlığını yazır.

Bakı şəhər sakini Nasir Məmmədov DİN-ə ünvanladığı məktubunda Keşlə qəsəbəsində narkotik maddə istifadəçilərinin saxlanılmasına görə Nizami Rayon Polis İdarəsinin əməkdaşlarına minnətdarlığını yazır.

Bakı şəhər sakini Nəsrəddin Ağasiyev Baş Mütəşəkkil Cinayətkarlıqla Mübarizə İdarəsinə ünvanladığı ərizəsinə tez bir zamanda baxılaraq həllini tapmasında ona göstərilən köməyə görə DİN rəhbərliyinə minnətdarlığını yazır.

Bakı şəhər sakini Turaxanım Qənbərli DİN-ə ünvanladığı təşəkkür məktubunda qonşuların narahatçılığına səbəb olan məsələ ilə bağlı müraciətlərinə həssasqlıla yanaşaraq operativ həll olunduğuna görə DİN rəhbərliyinə və 23 Polis Bölməsinin əmkdaşlarına minətdarlığını bildirir.

Bakı şəhər sakini Rasim Abbasov DİN-ə ünvanladığı minnətdarlıq məktubunda ona və ailəsinə göstərilən köməkliyə görə Dövlət Yol Polisi əməkdaşı Hüseyn Mirzəyevə təşəkkürünü bildirir.