Mingəçevir şəhər sakini Mövlud Hüseynov şikayət ərizəsinə baxılıb, üzləşdiyi problemin həllində göstərdiyi köməkliyə görə DİN rəhbərliyinə təşəkürünü bildirir.

Abşeron rayon sakini Natiq Pənahlı şikayətlərinə baxıldığına və onlara dəymiş ziyanın ödətdirilməsinə görə RPİ-nin rəhbərliyinə təşəkkürünü bildirir.

Bərdə rayon sakinləri Aris Nurəliyev, Ruslan Həsənov və Alızadə Kamil sabitliyin və əmin-amanlığın keşiyində ayıq-sayıq dayanan Nəsimi RPİ-nin Post Patrul Xidmətinin əməkdaşlarından razılıqlarını ifadə edirlər.

Sumqayıt şəhər sakini Tural Bağırov Tovuz rayonunda qonaq olarkən qazdan zəhərlənmiş yoldaşının xəstəxanaya çatdırılmasında, onun həyatının xilas edilməsində göstərdiyi köməkliyə görə Tovuz Rayon Polis Şöbəsinin rəhbərliyinə və RPŞ DYPB-nin Bəşir və Gündüz adlı əməkdaşlarına minnətdarlığını bildirir.

Bakı şəhər sakini Bəylər Teymurov öz məktubunda müəyinədən keçmək üçün DİN-in A.Heydərov adına Respublika Hospitalına müraciət etdiyini, ona xüsusi diqqət və qayğı göstərildiyini yazır. 2-ci qrup Qarabağ əlili olan B.Teymurov həkimlərin onu ətraflı müayinə etdiklərinə və xoş münasibətə görə DİN rəhbərliyinə və Hospitalın tibb personalına təşəkkürünü bildirir.

Ağdam rayon sakini Gülxarə Paşayeva DİN-ə ünvanladığı məktubunda evində baş vermiş oğurluq hadisəsinin tez bir zamanda açılmasını təmin etdiyinə görə Nəsimi Rayon Polis İdarəsinin əməkdaşlarına təşəkkürünü bildirir.

Kəlbəcər rayon sakini Vüsal Yunisli DİN rəhbərliyinə ünvanladığı təşəkkür məktubunda Yevlax-Ağdam yolunda hərəkətdə olan zaman maşınında yarananan nasazlığın aradan qaldırılmasında göstərilən köməkliyə görə Yol Patrul Xidmətinin əməkdaşlarına öz minnətdarlığını ifadə edir.

Cəlilabad şəhər sakini Atif Hüseynov DİN rəhbərliyinə ünvanladığı təşəkkür məktubunda oğlunun itkin düşməsi ilə bağlı rayon polis şöbəsinə etdiyi müraciətə həssaslıqla yanaşılmasına, axtarışın peşəkarlıqla aparılmasına və oğlunun tapılaraq ailəyə təhvil verilməsinə görə Cəlilabad RPŞ-nin rəisi Mübariz Quliyevdən razılığını ifadə edir və minnətdarlığını bildirir.

Astara rayon Qapıçıməhəllə kənd sakini Zakirə Məmmədova DİN rəhbərliyinə ünvanladığı təşəkkür məktubunda rayon polis şöbəsinə etdiyi müraciətlə bağlı ona köməklik göstərilməsinə görə RPŞ-nin rəisi Azər Cahangirova minnətdarlığını ifadə edir.