Kürdəmir rayon sakini Mübariz Baxşıyev DİN-ə ünvanladığı məktubunda ona olan borcun ödənilməsində göstərdikləri köməyə görə Rayon Polis Şöbəsinin əməkdaşlarına təşəkkürünü bildirir.

Təqaüddə olan polis veteranı Bilal Vəliyev səhhətində yaranan problemlərin müayinə və müalicəsində ona göstərdikləri köməyə görə DİN-in A.Heydərov adına Respublika Hospitalının rəhbərliyinə və bütün tibbi personala öz təşəkkürünü bildirir.

Ağdam rayon sakini Əjdər Rüstəmov DİN rəhbərliyinə ünvanladığı məktubunda Azərbaycan Polisinin fəaliyyətini yüksək dəyərləndirir.

Bərdə rayon sakini Suyatel Quliyeva DİN-ə ünvanladığı məktubunda şikayətinə tez bir zamanda baxılaraq, ona dəyən ziyanın ödənilməsində göstərdikləri köməyə görə Rayon Polis Şöbəsinin əməkdaşlarına təşəkkürünü bildirir.

Salyan rayon sakini Yediyar Kərimov etdiyi müraciətə çevik reaksiya verildiyinə görə DİN rəhbərliyinə təşəkkürünü bildirir.

Bakı şəhər sakini Orxan Xankişiyev bir müddət öncə avtomobil qəzasında ağır xəsarət almış həyat yoldaşı, polis əməkdaşı Gülnar Nəcəfovanın yenidən sağlamlığına qovuşmasında göstərdiyi köməkliyə görə DİN rəhbərliyinə minnətdarlığını ifadə edir.

Bakı şəhər sakini, əmək veteranı Səidə Abasəliyeva üzləşdikləri problemin həllində göstərdiyi köməkliyə görə Xəzər RPİ-nin rəhbərliyinə təşəkkürünü bildirir.

Pakistan İslam Respublikasının vətəndaşı Tajdar Muhammed Ali ona məxsus pul kisəsini oğurlayaraq qaçmış şəxsin qısa zaman kəsiyində tutulmasında və dəymiş maddi ziyanın ödətdirilməsində göstərdiyi köməkliyə görə Nəsimi Rayon Polis İdarəsinin rəhbərliyinə minnətdarlığını ifadə edir.

Gənc sahibkar Pərviz Musayev vəzifə borclarının öhdəsindən layiqincə gələn, ölkəmizdə sabitliyi, əmin-amanlığı qorumaq üçün canlarını fəda edən həmkarlarımıza xidmətlərində uğurlar arzulayır.