Şamaxıdan bir qrup sakin DİN-ə ünvanladıqları təşəkkür məktubda cinayətkarlıqla mübarizədə, ictimai asayişin qorunmasında RPŞ əməkdaşlarının rolunu yüksək qiymətləndirirlər.

Bakı şəhər sakini Rəna Fərəcova evində baş vermiş oğurluq hadisəsində şübhəli bilinənlərin aşkar edilib istintaqa təhvil verilməsində göstərdikləri köməyə görə daxili işlər orqanları əməkdaşlarına minnətdarlığını bildirir.

Bakı şəhər sakini Elşən Həsənov DİN-ə ünvanladığı məktubunda üzləşdiyi problemin tez bir zamanda həllini tapmasına görə Bakı Şəhər Dövlət Yol Polisi İdarəsinin əməkdaşlarına təşəkkürünü bildirir.

Sumqayıt şəhər sakini Qafur Mustafayev etibarından su istifadə edərək 610 manatını mənimsəmiş şəxs barəsində DİN-ə onlayn müraciətdən sonra qısa zaman kəsiyində DİN Baş Mütəşəkkil Cinayətkarlıqla Mübarizə İdarəsinə çağırıldığına, məsələnin operativ şəkildə araşdırıldığına, ona dəymiş ziyanın ödətdirildiyinə görə DİN rəhbərliyinə təşəkkürünü bildirir.

“İlqar-7.T” Məhdud Məsuliyyətli Cəmiyyətin təsisçisi İlqar Əliyev müraciətinə DİN Baş Mütəşəkkil Cinayətkarlıqla Mübarizə İdarəsində baxıldığına və şikayət ərizəsində göstərdiyi tələbinin yerinə yetirlməsinə görə təşəkkürünü bildirir. Gəncə şəhərində məskunlaşan Kəlbəcərdən olan məcburi köçkün Məhərrəm Cəfərov övladının daxili işlər orqanlarına qəbul olunmasına görə DİN rəhbərliyinə minnətdarlığını ifadə edir.

Ucar rayon sakini Vahid İbrahimov yazır: “Sumqayıtda yaşayan qardaşım Ucara qonaq gələndə qəfildən səhhətində problem yaranıb. Onu sükan arxasında halsız vəziyyətdə görən polis əməkdaşı vəziyyətin kritik olduğunu nəzərə alaraq qardaşımı öz avtomobili ilə xəstəxanaya çatdırıb. Mənə xəbər çatanda artıq xəta sovuşmuşdu. Əgər polisin köməyi olmasaydı indi qardaşım həyatda olmayacaqdı. Bir insanın həyatını xilas etdiyinə görə həmin polis əməkdaşının timsalında bütün Azərbaycan Polisinə minnətdarlığımı bildirirəm.

Bakı şəhər sakini Samir Manaflı yazır ki, allergik nəfəs çatışmazlığından əziyyət çəkən övladımı xəstəxanaya çatdırmaq istəyirdim. Lakin tıxac ucbatından yolda qaldıq. Həyacan içində qalıb nə edəcəyimi bilmirdim. Onda gördüm ki, bir Yol Patrul Xidməti avtomobili mənə yaxınlaşdı. Onların köməkliyi sayəsində tıxacdan çıxıb övladımı xəstəxanaya çatdıra bildim.

Bakı şəhər sakini Sevda Dəmir DİN Baş Mütəşəkkil Cinayətkarlıqla Mübarizə İdarəsinin əməkdaşlarına minnətdarlığını bildirir.

Şirvan şəhər sakini Mehman Quliyev cinayətkarlıqla ciddi mübarizə aparmaqla, asayişin keşiyində ayıq-sayıq durmaqla yanaşı, həm də gələcəyimiz olan gəncliyimizi, fidan balalarımızı düşünüb narkomaniyayla, erkən nikahlarla, dini radikalizmlə mübarizədə də qətiyyətini əsirgəməyən, bu məqsədlə rayonun bütün məktəblərində tədbirlər düzənləyən, qapımızı səssiz döyən bəlanın qarşısını almaq üçün maarifləndirməyə xüsusi önəm verən ŞPŞ-nin rəisi, polis polkovniki Hikmət Quliyevə təşəkkürünü bildirir.