Bakı şəhər sakini Gülnar Muxtarova müraciətinə tez bir zamanda baxılaraq həllini tapmasında ona göstərilən köməyə görə DİN rəhbərliyinə minnətdarlığını bildirir.

Bərdə rayonundan olan bir qrup müharibə veteranı DİN rəhbərliyinə ünvanladıqları təşəkkür məktublarında veteranların səmimi qəbuluna, göstərilən diqqət və qayğıya, veteran vəsiqələri ilə tez bir şəkildə təmin olunduqlarına görə Şəxsi Heyətlə İş İdarəsinin əməkdaşı Yusif Əsədova minnətdarlıq edirlər.

Ağcabədi rayon sakini Qələnfil Hüseynova DİN rəhbərliyinə ünvanladığı məktubunda ona dəyən maddi ziyanın ödənilməsində göstərdikləri köməyə görə Baş Mütəşəkkil Cinayətkarlıqla Mübarizə İdarəsinin əməkdaşlarına öz minnətdarlığını bildirir.

Bakı şəhər sakini Ayxan Qədəşov paytaxtın Binəqədi rayonu Ə.Naxçıvani küçəsi, 3068-ci məhəllə ünvanında yerləşən çoxmənzilli yaşayış binasında yaşayan 450-dən artıq ailənin adından Daxili İşlər Nazirliyinə məktub ünvanlayıb. A.Qədəşov qeyd olunan ərazidə yol hərəkətinin təşkili ilə bağlı müraciətlərinə operativ baxılaraq müsbət həll olunmasına və ərazidə hərəkətin təhlükəsizliyinin təmin edilməsinə görə DİN rəhbərliyinə, həmçinin Binəqədi RPİ-nin şəxsi heyətinə təşəkkürünü bildirir.

Bakı şəhər sakini Cəlal Möhsünov DİN-ə ünvanladığı təşəkkür məktubunda DYP əməkdaşlarının vətəndaşlarla səmimi davranışlarına görə Azərbaycan Polisinə minnətdarlıq edir.

Bakı şəhər sakini Bayram Bayramov DİN rəhbərliyinə ünvanladığı minnətdarlıq məktubunda etdiyi müraciətə tez və operativ baxılmasına görə Suraxanı RPİ-nin 31-ci Polis bölməsinin əməkdaşlarına təşəkkürünü bildirir.

Balakən Rayon İcra Hakimiyyətindən Daxili İşlər Nazirliyinə ünvanlanmış məktubda rayon Polis Şöbəsi əməkdaşlarının narkotiklərin qanunsuz dövriyyəsi ilə mübarizə sahəsində həyata keçirdiyi uğurlu tədbirlərin rayon sakinləri tətrəfindən təqdir olunduğu qeyd olunur, bu istiqamətdə qətiyyətli tədbirlərə görə rayon ictimaiyyəti adından DİN rəhbərliyinə təşəkkür bildirilir.

Xırdalan şəhər sakini Kamran İmranov məktubunda Daxili İşlər Nazirliyinə ünvanlandığı müraciətinə həssaslıqla yanaşıldığına, operativ reaksiya verildiyinə və qısa müddətdə baxılaraq həllini tapdığına görə DİN rəhbərliyinə təşəkkürünü bildirir.

Abşeron rayonunun Masazır qəsəbə sakini Emin Paşayev Daxili İşlər Nazirliyinə ünvanlandığı müraciətinə operativ reaksiya verildiyinə, Baş Dövlət Yol Polisi İdarəsində ədalətli baxılaraq həllini tapdığına görə DİN rəhbərliyinə təşəkkürünü bildirir.