Beyləqan rayon sakini Vasif Fətiyev Daxili İşlər Nazirliyinə ünvanladığı məktubunda cinayətkarlıqla qətiyyətli mübarizə aparan, eyni zamanda pandemiyanın qarşısının alınması üçün həyatlarını belə risqə ataraq gecə-gündüz xidmət aparan, öz üzərinə düşən vəzifəni layiqincə yerinə yetirən polis əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Abşeron rayon sakini Şahbaz Şirəliyev üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə DİN rəhbərliyinə və BMCMİ-nin əməkdaşlarına minnətdarlığını bildirir.

Ali Hasanov adlı instoqram istifadəçisi ölkəmizdə koronavirus pandemiyası ilə mübarizədə həyata keçirilən karantin tədbirlərində polis əməkdaşlarının xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə, eləcə də maddi çətinliyi olan ailələrə göstərdikləri ərzaq yardımlarına görə DİN rəhbərliyinə və şəxsi heyətinə təşəkkürünü ifadə edir.

Culfa rayonunun Bənəniyar kənd sakini Şahin İmanov DİN-ə ünvanladığı məktubunda daxili işlər orqanlarında xidmətə qəbul zamanı yaradılan şəffaflığa görə DİN rəhbərliyinə təşəkkürünü bildirir.

Gəncə şəhər sakini Elnur Rəhimov DİN rəhbərliyinə ünvanladığı minnətdarlıq məktubunda Samux rayonu ərazisində baş vermiş yol-nəqliyyat hadisəsi zamanı öz peşəsini layiqincə yerinə yetirən Samux RPŞ-nin Dövlət Yol Polisi Bölməsinin əməkdaşı Zaur Abbasovdan razılığını bildirir.

Goranboy rayonunun Yeniyol kənd sakini Nizami Rəhimov ona məxsus bir baş iri buynuzlu heyvanın oğurlanması ilə bağlı etdiyi müraciətə operativ reaksiya verilərək qısa zaman kəsiyində cinayətkarların tutulmasına, eləcə də dəymiş ziyanın ödətdirilməsində göstərdikləri köməkliyə görə DİN rəhbərliyinə və Goranboy RPŞ-nin şəxsi heyətinə təşəkkürünü ifadə edir.

İsmayıllı rayonunun Kəlbənd bələdiyyəsinin sədri Maqsud Mürsəlov Daxili İşlər Nazirliyinə ünvanladığı məktubunda rayonun Qazmalar kənd sakini olan bir nəfər tərəfindən həmin kənddə ümumi istifadədə olan örüş torpaq sahəsinin hasara alınaraq zəbt olunması barədə müraciətinə İsmayıllı RPŞ-də operativ baxılaraq obyektiv araşdırma aparıldığını qeyd edir.

O, müraciətinə dərhal reaksiya verildiyinə, həmçinin zəbt olunmuş həmin ərazidə qanunsuz çəkilmiş çəpərin sökülməsinə və kənd sakinlərin narazılığına son qoyulmasında göstərdikləri köməkliyə İsmayıllı Rayon Polis Şöbəsinin əməkdaşlarına təşəkkürünü bildirir.

Baki şəhər sakini Qurban Məmmədzadə etdiyi müraciətə operativ reaksiya verilərək öz həllini tapdığı üçün DİN rəhbərliyinə öz minnətdarlığını bildirir.

Bakı şəhər sakini Afaq Sadıxova yaşadığı ərazidə qanunsuz taksi fəaliyyəti ilə məşğul olan şəxslər barədə tədbir görüldüyünə və məsələnin həll edildiyinə görə DİN rəhbərliyinə və Sabunçu RPİ-nin 12-ci PB-nin əməkdaşlarına təşəkkür edir.