DİN-in struktur qurumlarının saytları
Görmə çətinliyi olanlar üçün:

Vətəndaş və Polis

Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.

Təşəkkür məktubları

Cəlilabad sakini Ruslan İsayev öz təşəkkür məktubunda rayon ərazisində yollarda hərəkətin təhlükəsizliyini təmin etdiklərinə, vətəndaşlara yüksək mədəniyyətlə yanaşdıqlarına görə yol patrul xidməti əməkdaşlarına minnətdarlığını bildirir.

Astara rayon Ziyalı Ağsaqqallar Cəmiyyətinin sədri Camal İbrahimov DİN rəhbərliyinə ünvanladığı təşəkkür məktubunda edilən müraciətlərin obyektiv araşdırılmasına, vətəndaşların qayğılarına həssaslıqla yanaşılmasına, ictimai qaydanın və asayişin yüksək səviyyədə qorunmasına görə Astara RPŞ-nin rəisi Azər Cahangirovdan razılığını ifadə edir və ümumilikdə polisin fəaliyyətindən məmnunluğunu bildirir.

Şəmkir rayonu Çinarlı qəsəbə sakini Məlahət Məmmədova DİN rəhbərliyinə ünvanladığı minnətdarlıq məktubunda baş vermiş oğurluq hadisəsinin üstünün açılmasında və ona dəymiş maddi ziyanın ödətdirilməsində göstərdikləri köməyə görə Şəmkir RPŞ-nin rəhbərliyinə və əməkdaşlarına təşəkkürünü bildirir.

Quba rayonunun Birinci Nügədi kənd sakini Nəbi Mürsəliyev DİN rəhbərliyinə ünvanladığı minnətdarlıq məktubunda özünün və qonşusu olan bir qadının müraciətinə operativ şəkildə baxılmasına və onlara dəymiş maddi ziyanın ödətdirilməsində göstərdikləri köməyə görə Quba RPŞ-nin rəhbərliyinə və İstintaq Bölməsinin müstəntiqi Samir Çobanova təşəkkürünü bildirir.

Cəlilabad rayonunun Sərhədabad kənd sakini Gülbəniz Əmirova DİN rəhbərliyinə ünvanladığı təşəkkür məktubunda oğlunun daxili işlər orqanlarında xidmətə yenidən bərpa olunduğuna görə minnətdarlığını bildirir.

Bir qrup Qarabağ müharibəsi əlili və veteranı DİN rəhbərliyinə ünvanladıqları təşəkkür məktubunda ictimai qaydanın və ictimai asayişin uğurla qorunmasına, narkotiklərin qanunsuz dövriyyəsinə qarşı aparılan qətiyyətli mübarizəyə, vətəndaşların etdikləri müraciətlərə obyektiv şəkildə və həssaslıqla yanaşılmasına görə Astara rayon polis şöbəsinin rəisi, polis polkovniki Azər Cahangirovdan razılığını bildirir və minnətdarlığını ifadə edir.

Lənkəran rayonunun Zövlə kənd sakini Diyaşar Sadıqov DİN rəhbərliyinə ünvanladığı təşəkkür məktubunda etdiyi müraciətin Lənkəran şəhər rayon polis şöbəsində obyektiv araşdırılmasına, ona dəymiş maddi ziyanın ödənildiyinə görə minnətdarlığını ifadə edir.

Bakı şəhər sakini Yeganə Musazadə DİN rəhbərliyinə ünvanladığı minnətdarlıq məktubunda müraciətinə obyektiv baxılmasına və ona dəymiş maddi ziyanın ödətdirilməsində göstərdikləri köməyə görə BMCMİ-nin rəhbərliyinə və əməkdaşlarına təşəkkürünü bildirir.

Bakı şəhər sakini Sakitə Məmmədova DİN-ə ünvanladığı məktubunda üzləşdiyi dələduzluq faktı ilə əlaqədar müraciətinə Nəsimi RPİ-də obyektiv baxıldığını və ona dəymiş maddi ziyanın ödətdirildiyini bildirir. Buna görə o, Nəsimi RPİ-nin rəhbərliyinə və İstintaq Şöbəsinin əməkdaşlarına təşəkkürünü bildirir.